కజఖిస్థాన్లో ఇటీవల బయటపడిన గుర్తుతెలియని న్యుమోనియా సంబంధిత వ్యాధి కరోనానే అయి ఉండవచ్చని ప్రపంచ ఆరోగ్య సంస్థ భావిస్తోంది. కొవిడ్-19 వల్లే ఆ వ్యాధి వ్యాప్తి చెంది ఉంటుందని భావిస్తున్నట్లు పేర్కొన్నారు డబ్ల్యూహెచ్ఓ అత్యవసర విభాగం చీఫ్ డా. మిచెల్ ర్యాన్.
కొత్త వ్యాధి సోకిన వారి ఎక్స్-రేలు పునఃసమీక్షించటం, న్యూమోనియా కేసుల్లో కరోనా లక్షణాలను పరిశీలించేందుకు స్థానిక అధికారులతో ప్రపంచ ఆరోగ్య సంస్థ పని చేస్తున్నట్లు చెప్పారు ర్యాన్. అలాంటి కేసుల్లో చాలా వరకు కొవిడ్-19గా నిర్ధరణ అవుతాయని నమ్ముతున్నట్లు పేర్కొన్నారు. ఇప్పటికే డబ్ల్యూహెచ్ఓ బృందం కజఖిస్థాన్ చేరుకున్నట్లు తెలిపారు.