భారత్-చైనా మధ్య దశాబ్దాలుగా జరుగుతున్న ఘర్షణ గురించి ట్రంప్నకు ఏమీ తెలియదని బోల్టన్ పేర్కొన్నారు. 'బహుశా చైనాతో భౌగోళిక వ్యూహాత్మక సంబంధం గురించి ట్రంప్ ఆలోచిస్తున్నారని అనుకుంటున్నా. ముఖ్యంగా వాణిజ్యం విషయంలో'... అని జాన్ బోల్టన్ పేర్కొన్నారు.జాన్ బోల్టన్ 2018 ఏప్రిల్ నుంచి 2019 సెప్టెంబర్ వరకు అమెరికా జాతీయ భద్రతా సలహాదారుగా ఉన్నారు.
చైనా విస్తరణవాదంతో హద్దుమీరి ప్రవర్తిస్తోందని జాన్ బోల్టన్ విమర్శించారు. తూర్పు, దక్షిణ చైనా సముద్రాలపై, వాటిలోని చిన్న చిన్న ద్వీపాలపై ఆధిపత్యం చెలాయించాలని డ్రాగన్ ప్రయత్నిస్తోందని అన్నారు. ఫలితంగా జపాన్, భారత్తో సహా ఇరుగుపొరుగు దేశాలతో డ్రాగన్ ద్వైపాక్షిక సంబంధాలు బాగా క్షీణించాయని బోల్టన్ పేర్కొన్నారు.
