ఆంధ్రప్రదశ్లోని రౌడీలు విచ్చల విడిగా తిరుగుతున్నారు.. రోజుకో విధంగా నేరాలు ఘోరాలు జరుగుతున్నాయి.. ఎటు చూసినా కూడా ఏదోక క్రైమ్ వార్తలు చెవిన పడుతుంది.ఇకపోతే ఇప్పుడు కరోనా ప్రభావం పెరుగుతున్న నేపథ్యంలో లాక్ డౌన్ పొడిగింపు పెరుగుతూ వస్తుంది..అంతేకాదు జనలా మద్య సామాజిక దూరాన్ని పాటించేలా ప్రభుత్వం అన్నీ చర్యలను తీసుకుంటుంది..అయిన కూడా ఆంధ్రప్రదేశ్లో లో నేరాల సంఖ్య రోజు రోజుకు పెరుగుతూ వస్తుంది..

 

 

 

వివరాల్లోకి వెళితే.. విజయవాడలో మరో దారుణం వెలుగు చూసింది..విజయవాడలో మరోసారి నేరాల సంఖ్య పెరిగిపోతుంది. రెండు రోజుల క్రితం కొందరు వ్యక్తులు కత్తులతో రోడ్లపై హల్ చల్ చేస్తే.. తాజాగా రెచ్చిపోయిన రౌడీషీటర్లు ఓ యువకుడ్ని కిడ్నాప్ చేశారు. అంతేకాదు తల్లిదండ్రులకు ఫోన్ చేసి నాలుగు లక్షల రూపాయలు డిమాండ్ కూడా చేశారు. లేదంటే యువకుడ్ని చంపి కృష్ణానదిలో పడేస్తామని బెదిరించారు. విజయవాడ సమీపంలోని నిడమానూరుకు చెందిన రత్నశేఖర్‌ అనే యువకుడిని శనివారం రాత్రి విజయవాడ కృష్ణలంక వద్ద కిడ్నాప్‌ చేశారు. యువకుడ్ని తీసుకెళ్లి గుంటూరు జిల్లా తాడేపల్లి మండలం ప్రాతూరు కరకట్ట మార్గంలోని ఓ నివాసగృహంలో నిర్బంధించారు.

 

 

 


కిడ్నాప్ చేసిన యువకుడు రత్నశేఖర్‌ తండ్రి వెంకట్రావుకు ఫోన్‌ చేశారు కిడ్నాపర్లు. మీ కుమారుడిని కిడ్నాప్‌ చేశామని వదిలేయాలంటే రూ.4 లక్షలు ఇవ్వాలని డిమాండ్ చేశారు. అడిగినంత సొమ్ము ఇవ్వకుంటే కొడుకును చంపి కృష్ణానదిలో పారేస్తామంటూ బెదిరించారు. దీంతో బాధితులు పోలీసులను ఆశ్రయించారు. సీఐ అంకమరావు తమ సిబ్బందితో వెంటనే రంగంలోకి దిగారు. వెంకట్రావు ద్వారా కిడ్నాపర్లకు ఫోన్‌ చేయించి నగదుతో ఎక్కడికి రావాలని అడిగారు. వారు నాలుగైదు ప్రాంతాలను సూచిస్తూ బాధితులను, పోలీసులను ముప్పుతిప్పలు పెట్టారు.

 

 

 

అప్పటికే పోలీసులు నిందితుల సెల్ ఫోన్ నెంబర్ ఆధారంగా వారి ఉన్న ఆచూకీని ట్రేస్ గుర్తించారు. నగదుతో ప్రాతూరు కరకట్ట మార్గంలోని ఓ నివాసగృహం వద్దకు రావాల్సిందిగా కిడ్నాపర్లు సూచించారు. ఆ మేరకు పోలీసులు ఘటనా ప్రదేశానికి చేరుకుని కిడ్నాపర్ల అదుపులో ఉన్న రత్నశేఖర్‌ను కాపాడారు. దీనిలో తాడేపల్లికి చెందిన రౌడీషీటర్లు శివకుమార్‌, సాయిరామ్‌, రాంబాబుతోపాటు సతీష్‌, ఓమహిళ పాల్గొన్నట్లు గుర్తించారు. నలుగురు నిందితులను అరెస్టు చేశారు. పరారీలో ఉన్న మహిళ ఆచూకీ కోసం గాలిస్తున్నారు. అయితే ఈ కిడ్నాప్ కేసును కేవలం అరగంటలోనే చేధించారు పోలీసులు.అలా పోలీసులు చేసిన సాహస్కీసిన సాహసానికి అసలు గుర్తింపు తక్కింది..

మరింత సమాచారం తెలుసుకోండి: