మహిళల రక్షణ కోసం ప్రభుత్వం ఎన్నో చట్టాలను ముందుకు తీసుకొస్తుంది.. నిర్భయ లాంటి అమాయకులు తమ మాన, ప్రాణాలను కోల్పోతున్నారు. కానీ మృగాళ్ల కామ దాహం ఎక్కడా మారలేదు.విషయానికొస్తే..కానిస్టేబుల్ కు ఓ మహిళ అప్పు ఇచ్చింది.అయితే ఇచ్చిన అప్పు తిరిగివ్వమని అడిగిన మహిళపై స్నేహితుడితో కలిసి అత్యాచారానికి యత్నించాడు. ఈ దారుణ సంఘటన ప్రకాశం జిల్లా ఒంగోలులో వెలుగు చూసింది.
వివరాల్లోకి వెళితే.. వెంకట రాజేష్ అనే కానిస్టేబుల్ ఒంగోలు తాలూకా పోలీస్‌ స్టేషన్‌ లో రైటర్‌గా విధులు నిర్వర్తిస్తున్నాడు. అతడికి ఒంగోలు దిబ్బల రోడ్డుకు చెందిన మహిళ తో పరిచయం ఏర్పడింది. ఈ క్రమం లోనే ఆమెతో శారీరక సంబంధం పెట్టుకుని నగ్నవీడియోలు, ఫోటోలు తీశాడు. ఆ సంబంధాన్ని అడ్డం పెట్టుకుని రాజేష్ ఆమె నుంచి రూ.35లక్షల వరకు అప్పు తీసుకున్నాడు. ఎన్ని రోజులకీ అతడు డబ్బు తిరిగివ్వక పోవడంతో ఆ మహిళ నిలదీయగా న్యూడ్ వీడియోలు, ఫోటోలతో బెదిరించాడు. డబ్బుల మాట వస్తే ఇవ్వన్నీ ఇంటర్నెట్ లో పెడతానని హెచ్చరించాడు.
అయితే, ఆమె డబ్బులు ఇవ్వకుంటే అందరి లోనూ పంచాయతీ పెడతానని ఆ మహిళ హెచ్చరించడంతో రాజేష్ కంగారు పడ్డాడు. ఆమెను ఎలాగైనా అడ్డు తొలగించుకోవాలనుకుని ప్లాన్ వేశాడు. ఈ నెల 8వ తేదీన అప్పు చెల్లిస్తానని చెప్పిన ఆమెను తన ఫ్రెండ్ అయిన ఆర్మీ మాజీ ఉద్యోగి నల్లూరి సుధాకర్ ఇంటికి పిలిపించాడు. అక్కడ ఇద్దరూ కలిసి ఆమెను బంధించి అత్యాచారానికి యత్నించాడు. ఆ కామాంధుల బారి నుంచి తప్పించుకున్న మహిళ పోలీసులను ఆశ్రయించింది. తన దగ్గర డబ్బులు తీసుకొని అడిగితే ఇలా చేశారని చెప్పింది.. బాధితురాలు ఇచ్చిన పిర్యాదు తో కేసు నమోదు చేసుకున్న పోలీసులు నిదితులను అరెస్ట్ చేసి రిమాండ్ కు తరలించారు.
