എഞ്ചിനീയറിംഗ് വിദ്യാർത്ഥി രതീഷിനെ ദുരൂഹ സാഹചര്യത്തിൽ തൂങ്ങി മരിച്ച നിലയിൽ കണ്ടെത്തി.സിഇടി എന്ജിനിയറിങ് കോളേജിലെ കുളിമുറിയില് മരിച്ച നിലയിലാണ് കണ്ടെത്തിയത്. ആത്മഹത്യയെന്ന നിഗമനത്തിൽ പോലീസ് എത്തിയെങ്കിലും വിദ്യാര്ഥിയുടെ മരണത്തില് ദുരൂഹതയുണ്ടെന്നാണ് ബന്ധുക്കളുടെ ആരോപണം ഉന്നയിച്ചു.ശ്രീകാര്യം സിഇടിയിലെ ഒന്നാം വർഷ സിവിൽ എഞ്ചിനീയറിംഗ് വിദ്യാർത്ഥിയായ രതീഷിനെ വെള്ളിയാഴ്ച വൈകിട്ട് പരീക്ഷഹാളിൽ നിന്ന് ഇറങ്ങിയ ശേഷമാണ് കാണാതായത്.കോളേജിനും ചുറ്റുവട്ടത്തും വിദ്യാർത്ഥികളുടെയും പൊലീസിന്റെയും നേതൃത്വത്തിൽ പരിശോധന നടത്തിയെങ്കിലും കണ്ടെത്താനായില്ല. ശനിയാഴ്ച രാത്രി കോളേജിലെ സുരക്ഷാജീവനക്കാരാണ് ശുചിമുറിയിൽ നിന്നും മൃതദേഹം കണ്ടെടുത്തത്.മാസങ്ങള്ക്കു മുന്പ് നെയ്യാറ്റിന്കരയില് രതീഷ് താമസിച്ചിരുന്ന വീടിനു മുന്നിലെ കടയില് കഞ്ചാവുവില്പന നടക്കുകയും എക്സൈസ് കട പരിശോധിച്ച് പ്രതികളെ പിടികൂടുകയും ചെയ്തിരുന്നു. രതീഷാണ് എക്സൈസിനു വിവരം നല്കിയതെന്നാരോപിച്ച് കഞ്ചാവുവില്പനയ്ക്കു നേതൃത്വം നല്കുന്ന ചിലര് .ഇയാളെ ക്രൂരമായി മര്ദിച്ചു. പിന്നീട് രതീഷിന്റെ വീടിനു മുന്നില് കിടന്ന കാര് അജ്ഞാതര് കത്തിക്കുകയും ചെയ്തിരുന്നു. മാത്രമല്ല ഇവർ രതീഷിനെ നിരന്തരം ഭീഷണിപ്പെടുത്തിയിരുന്നതായി വളർത്തമ്മ ഗിരിജ ആരോപിക്കുന്നു.