ആദ്യ ജോലി അന്വേഷിക്കുമ്പോൾ തന്നെ, ആവശ്യമായ അനുഭവ പാഠവം എവിടെനിന്ന് ലഭിക്കാനാണ്. അതായത്, ഒരു ജോലി ലഭിക്കണമെങ്കിൽ എക്സ്പീരിയൻസ് വേണം. എക്സ്പീരിയൻസ് ലഭിക്കാൻ ജോലിയും വേണം. പരീക്ഷയും പല റൗണ്ട് അഭിമുഖവും കഴിഞ്ഞ് ഒടുവിൽ ജോലി ലഭിക്കുമ്പോൾ സ്വയം വിജയിച്ചതായി തോന്നും. ഒരുപാട് സ്വപ്നങ്ങൾ കാണും.

 

  എന്നാൽ, ജോലിക്ക് കയറിയ ശേഷം പ്രശ്നങ്ങൾ തുടങ്ങിയാലോ. ഇത് ഒഴിവാക്കാനുള്ള കാര്യങ്ങളാണ് ഇന്ന് പറയുന്നത്. പുതിയ കമ്പനിയുടെ ഓഫര്‍ ലെറ്ററിൽ ഒപ്പിടുമ്പോൾ എന്തൊക്കെ ശ്രദ്ധിക്കണം. എന്തൊക്കെ കാര്യങ്ങൾ നോക്കിയ ശേഷമാണ് നിങ്ങൾ പൊതുവെ ഒപ്പിടുന്നത്.

 

  അല്ലെങ്കിൽ ഒപ്പിടാൻ ഉദ്ദേശിക്കുന്നത്. അതോ, വലിയ പാരഗ്രാഫ് കാണുമ്പോഴേ അങ്ങ് ഒപ്പിട്ടിട്ട് ജോലിക്ക് ജോയിൻ ചെയ്യുന്നതാണോ പതിവ്. ഇനി എങ്ങനെയെങ്കിലും ഒരു ജോലി കിട്ടിയാലോ. പിന്നെ ആയിരം പ്രശ്നങ്ങളാണ്.

 

  ജോലി കിട്ടുന്നത് എല്ലാവര്‍ക്കും സന്തോഷമുള്ള കാര്യമാണ്. അതിനാൽ പുതിയ കമ്പനിയിൽ ചേരും മുൻപ് പഴയ കമ്പനിയിൽ ഫോര്‍മാലിറ്റികൾ ഒക്കെ തീര്‍ത്തിരിക്കണം. പുതിയ കമ്പനിയിൽ ജോലി ചെയ്യേണ്ട സമയം കൃത്യമായി അറിഞ്ഞിരിക്കണം.

 

  അതായത്, ഓഫീസ് സമയം നിങ്ങൾക്ക് യോജിച്ചതാണോ എന്ന് നോക്കുക. ജോലിയും വ്യക്തി ജീവിതവും ബാലൻസ് ചെയ്തുകൊണ്ടുപോകാൻ ആഗ്രഹിക്കുന്നവര്‍ അതിനനുസരിച്ച് ജോലി സമയം കണ്ടെത്താൻ പ്രത്യേകം ശ്രദ്ധിക്കണം.ഒരു ജോലി ഉപേക്ഷിച്ച ശേഷമാണ് നിങ്ങൾ പുതിയ ജോലിയിൽ പ്രവേശിക്കുന്നതെങ്കിൽ പഴയ കമ്പനിയിൽ നിങ്ങൾക്ക് ചെയ്തു തീര്‍ക്കേണ്ട കാര്യങ്ങൾ മറക്കരുത്.

 

  ഒട്ടുമിക്ക കമ്പനികളിലും നോട്ടീല് പീരിയഡ്, എക്സിറ്റ് ഇൻ്റര്‍വ്യു തുടങ്ങിയ കാര്യങ്ങളും ഉണ്ടാവും. നോട്ടീസ് പീരിയഡ് പൂര്‍ത്തിയാക്കാതെ പുതിയ കമ്പനിയിൽ ജോയിൻ ചെയ്താൽ പഴയ കമ്പനിക്ക് നഷ്ട പരിഹാരം വരെ കൊടുക്കേണ്ടി വന്നേക്കാം. ജോലിയിൽ ലഭിക്കാൻ പോകുന്ന ബോണസ്, മറ്റ് ഇൻസെൻ്റീവുകൾ എന്നിവയെക്കുറിച്ച് അറിയാൻ ശ്രമിക്കുന്നതിൽ തെറ്റില്ല.

 

  സംശയമുണ്ടെങ്കിൽ ബന്ധപ്പെട്ട വ്യക്തിയുമായി സംസാരിക്കണം. മാത്രമല്ല, ജോലി സമയത്തെ കുറിച്ചൊരു വ്യക്തത ജോയിൻ ചെയ്യും മുൻപ് വരുത്തുന്നത് ജീവിതം അതനുസരിച്ച് ആസൂത്രണം ചെയ്യാൻ സഹായിക്കും. ജോലിക്ക് വേണ്ടിയുള്ള അഭിമുഖത്തിൽ കമ്പനി ഉറപ്പുനൽകിയ ശമ്പളം തന്നെയാണോ ഓഫര്‍ ലെറ്ററിലും ഉള്ളതെന്ന് ഉറപ്പ് വരുത്തിയിരിക്കണം. ശമ്പള ഘടന, ഡിഡക്ഷൻ എന്നിവയെക്കുറിച്ചും ബോധ്യമുണ്ടായിരിക്കണം.

 

  ആകെ ശമ്പളം എത്ര, എത്ര രൂപ കയ്യിൽ കിട്ടും തുടങ്ങിയ കാര്യങ്ങൾക്കും ധാരണ വേണം. ചിലപ്പോൾ ആരോഗ്യ ഇൻഷുറൻസ് പ്രീമിയത്തിന് കമ്പനി ഒരു വിഹിതമിടുകയും തുല്യ വിഹിതം നിങ്ങളുടെ ശമ്പളത്തിൽനിന്നും പിടിക്കുകയും ചെയ്യുന്നുണ്ടാവും. ഇത്തരം കാര്യങ്ങളെക്കുറിച്ച് നിങ്ങൾക്ക് വ്യക്തമായ ധാരണയുണ്ടായിരിക്കണം. ഇതുമല്ലെങ്കിൽ അവിടെ ജോലി ചെയ്യുന്നവരിൽനിന്നും ഇത്തരം കാര്യങ്ങൾ ചോദിച്ചറിയാനെങ്കിലും ശ്രമിച്ചിരിക്കണം. #

 

 

  മിക്ക കമ്പനികളും ശമ്പളത്തിനു പുറമേ ജൂവനക്കാര്‍ക്ക് നിരവധി ആനുകൂല്യങ്ങളും നൽകാറുണ്ട്. നിങ്ങൾക്കും കുടുംബത്തിനുമുള്ള ഇൻഷുറൻസ്, ഫുഡ് കൂപ്പണുകൾ, വിദേശ ട്രിപ്പുകൾ തുടങ്ങി ജീവനക്കാര്‍ക്ക് നിരവധി ആനുകൂല്യങ്ങളാണ് കമ്പനികൾ നൽകുന്നത്. ഇവയെക്കുറിച്ചൊക്കെ ഓഫര്‍ ലെറ്ററിൽ എന്തെങ്കിലും വിശദീകരിക്കുന്നുണ്ടോ എന്ന് നോക്കണം. ഇല്ലെങ്കിൽ അതിനെക്കുറിച്ച് ബന്ധപ്പെട്ട അധികാരികളോട് ചോദിക്കണം.

 

  ഓഫര്‍ ലെറ്റര്‍ തരുന്ന സമയത്ത് ലീവുകളുടെ എണ്ണം കൃത്യമായി കമ്പനി പറയണമെന്നില്ല. പലപ്പോഴും എന്തൊക്കെ അവധിയാണ് ഉള്ളതെന്നുപോലും മെൻഷൻ ചെയ്യാറില്ല. അതിനാൽ, നിങ്ങൾക്ക് ഓരോ വര്‍ഷവും ലഭിക്കുന്ന ക്വാഷൽ അവധിയും മെഡിക്കൽ അവധിയും പ്രിവിലേജ് അവധിയും എത്രയാണെന്ന് എച്ച്ആറിനോട് ചോദിച്ചുതന്നെ മനസിലാക്കണം. ഇന്ന് മിക്ക കമ്പനികളും ഭാര്യയുടെ പ്രസവത്തിന് ഭര്‍ത്താവിനും കുറച്ചു ദിവസം ലീവുകൾ നൽകാറുണ്ട്. പെറ്റേണിറ്റി ലീവ് എന്നാണ് ഇത് അറിയപ്പെടുന്നത്.

 

   അതുപോലെ, ഈയടുത്ത് സ്ത്രീകൾക്ക് പീരിയഡ് ലീവുകൾ നൽകുന്ന കമ്പനികളുമുണ്ട്. പ്രസവാവധി പോലുള്ളവ സ്വകാര്യ സ്ഥാപനങ്ങളിലടക്കം നിര്‍ബന്ധമായും ഗവൺമെൻ്റ് നിഷ്കര്‍ഷിക്കുന്നുണ്ട്. നിങ്ങൾ എടുക്കാത്ത ലീവിനു പകരം നൽകുന്ന തുകയൊക്കെ ആ വകുപ്പിലാവും നിങ്ങൾക്ക് ലഭിക്കുന്നത്. കമ്പനി പൂട്ടിപ്പോവുകയോ ലയിക്കുകയോ ചെയ്തു കഴിഞ്ഞാൽ നഷ്ടപരിഹാരം ലഭിക്കാൻ ഇത് അവസരമൊരുക്കും.

 

   കരാര്‍ അവസാനിപ്പിക്കുന്നതിനുള്ള കാരണങ്ങളും മറ്റും ഓഫര്‍ ലെറ്ററിൽ നൽകുന്നത് ശ്രദ്ധിച്ചുതന്നെ വായിക്കണം കേട്ടോ. അതായത്, ശ്രദ്ധിച്ച് എല്ലാ കാര്യങ്ങളും വായിച്ച ശേഷമേ ഓഫര്‍ ലെറ്ററിൽ ഒപ്പിടാവൂ . കരാറിലെ ഏറ്റവും പ്രധാനപ്പെട്ടതും ചര്‍ച്ച ചെയ്ത് ഉറപ്പുവരുത്തേണ്ടതുമായ കാര്യമാണ് സെവറൻസ് പേ.

 

  നിങ്ങളുടെ കരാര്‍ അവസാനിപ്പിച്ച് കഴിഞ്ഞാൽ നിങ്ങൾക്ക് കമ്പനി നൽകേണ്ടുന്ന ശമ്പളവും ആനുകൂല്യങ്ങളും കോംപൻസേഷനും അടക്കമുള്ള തുകയാണ് സെവറൻസ് പേ.

 

మరింత సమాచారం తెలుసుకోండి:

job