ఇంట్లో నుంచి బయటకి వెళ్ళేటప్పుడు నచ్చిన విధంగా ముఖానికి మేకప్‌, హైర్‌ైస్టెల్‌తో ఇంటి నుంచి బయలుదేరుతాం. గమ్య స్థానానికి వచ్చేసరికి మేకప్‌ ఏమోగాని జుట్టు మాత్రం అసలు దువ్వుకున్నామా లేదా అన్న సందేహం వస్తుంది. ఇంట్లో ఉన్నప్పుడు మృదువుగా అనిపించిన జుట్టు కొద్దిసేపటికే చింపిరిగా ఎందుకు తయారైందనుకుంటాం. దీన్నే జుట్టు పొడిబారడం అంటారు. ఎక్కువసేపు జుట్టు మృదువుగా ఉండేందుకు ఈ చిట్కాలు పాటిస్తే చాలు. అవేంటంటే..

 

పెరుగు : రాత్రి మిగిలిన పెరుగు అయితే బాగా పుల్లగా ఉంటుంది. ఇది మీ జుట్టుకు గొప్పగా ఉంటుంది. దీనికి కండీషనర్‌కు ప్రత్యామ్నాయంగా ఉపయోగించవచ్చు. మీ జుట్టుకు తగిన మెరిసే సున్నితత్వాన్ని ఇవ్వడానికి పూర్తిగా పెరుగును వాడండి. నిద్రలేవగానే పెరుగును జుట్టుకు పట్టించి గంట తర్వాత తలస్నానం చేయాలి. స్నానానికి ఎక్కువ నీటిని ఉపయోగించాలి. లేదంటే డాండ్రఫ్‌ వచ్చే ప్రమాదం ఉంది.

 

తేనె : తేనె శరీర ఆరోగ్యానికే కాదు జుట్టు ఆరోగ్యానికి ఎంతో మేలు చేస్తుంది. ఇది మీ జుట్టుకు అవసరమైన అద్భుతమైన ఖనిజాలు, విటమిన్లు కలిగి ఉంటుంది. అలాగే తేనె జుట్టుకు సమర్థవంతమైన మాయిశ్చరైజర్‌గా ఉపయోగపడుతుంది. 

 

గుడ్డు : వారానికి రెండుసాైర్లెనా జుట్టుకు కోడిగుడ్డు తెల్లసొన పట్టించాలి. అందులో ప్రోటీన్‌ పుష్కలంగా ఉంటాయి. అవి మీ జుట్టు ప్రోటీన్‌ను  బలోపేతం చేసేందుకు సహాయపడుతాయి. గుడ్డుసొనలో మీ జుట్టుకు సహజంగా తేమ అందించగల కొవ్వుపదార్థం లెథిసిన్తో నిండి ఉన్నాయి.

 

అరటి : ఆరోగ్యంగా ఉండేందుకు రోజుకో అరటిపండు తీసుకోవాలంటారు. ఇంట్లో మృదువైన జుట్టును సాధించడానికి అరటిపండ్లు వాస్తవానికి ఉత్తమమైన ఆహారపదార్థాలలో ఒకటి. అవి ఖనిజాలు, సిలికాతో నిండి ఉన్నాయి. ఇది జుట్టును ఒత్తుగా, ఆరోగ్యవంతంగా పెరిగేందుకు సహాయపడుతాయి. ఇది చవకైనది. అలాగే ప్రభావవంతమైనది.

 

మయోన్నైస్‌ : శరీరానికి మయోన్నైస్‌ అవసరం లేకపోవచ్చు కానీ జుట్టుకు మాత్రం చాలా అవసరం. మాయోలో ఉన్న నూనెలు మీ నిస్తేజమైన కఠినమైన తంతువులను మృదువుగా, ఉబ్బెత్తుగా ఉండడానికి సహాయపడుతాయి. తలస్నానం చేయడానికి ముందు మీరు దీన్ని హెయిర్‌మాస్క్‌గా ఉపయోగించవచ్చు.

మరింత సమాచారం తెలుసుకోండి: