మారుతున్న జీవన శైలి కారణంగా మన శరీరానికి అనేక వ్యాధులకు నిలయంగా మారింది. ఈ వ్యాధులలో ఒకటి డయాబెటిస్. అతిమూత్రం, దాహం ఎక్కువగా వేయడం , మందగించిన చూపు, కారణం లేకుండా బరువు తగ్గడం మరియు బద్ధకం దీని ముఖ్య లక్షణాలు. డయాబెటిస్ లేదా మధుమేహం లేదా చక్కెర వ్యాధిని సాధారణంగా రక్తంలో మితి మీరిన చక్కెర స్థాయిని బట్టి గుర్తిస్తారు. ఇక డయాబెటిస్ ఒక సాధారణ వ్యాధి కావచ్చు, కానీ ఎవరికైతే డయాబెటిస్స్ వచ్చిందో వారికి జీవిత కాలంలో మధుమేహం తగ్గటం దాదాపు అసాధ్యమే అని చెప్పవచ్చు.
ఈ వ్యాధి యాబై ఏళ్లు నిండిన వారికి వస్తుంది కానీ జీవనశైలి మరియు ఆహారంలో మార్పుల వల్ల అంతకన్నా త్వరగానే వచ్చేస్తుంది. అయితే డయాబెటిస్‌కి వేపాకులతో చెక్ పెట్టొచ్చు. ముఖ్యంగా బ్లడ్ షుగర్ లెవెల్స్‌ని కంట్రోల్ చెయ్యొచ్చు. వేపాకులు మన శరీరంలోని విష వ్యర్థాల్ని బయటకు తరిమికొడతాయి. ఔషధ విలువలు, సౌందర్య ప్రయోజనాలు సమంగా గల అరుదైన చెట్టు వేప. దీని ఆకులు, కాండం, నూనె, పూలు, గింజలు, పండ్లు ఇలా వేప చెట్టుకు సంబంధించిన ప్రతిదీ ఒక ప్రయోజనాన్ని ఇస్తుంది.
ఫ్లూ, కొన్ని ఇతర జ్వరాల్ని తగ్గించడంలో వేప ఔషధాలు ముందు వరుసలో ఉంటాయి. ఇక వేప డయాబెటిస్‌ని పూర్తిగా నయం చెయ్యలేదు. కానీ, వ్యాధి తీవ్రతను తగ్గించి అదుపులో ఉండేలే చేస్తుంది. కాబ‌ట్టి మీకు డయాబెటిస్ ఉంటే, మీరు రోజూ వేప షర్బత్ తాగాలి. లేదంటే కొన్ని వేపాకులను నమలాలి. అయితే మితంగా మాత్రం తీసుకోకండి. ఎందుకంటే.. ఏదైనా ప‌రిమితి మించితే వ‌చ్చే స‌మ‌స్య‌లు అన్నీ ఇన్నీ కాదు కాబ‌ట్టి.
