సమ్మర్ వచ్చిందంటే చాలు.. ఎక్కడికక్కడ కొబ్బరి బోండాలు దర్శనమిస్తుంటాయి. అయితే ఆ జ్యూస్ ఈజ్యూస్ అంటూ తాగుతారు తప్ప ఆరోగ్యానికి ఎంతో మంచిది అయిన కొబ్బరి నీళ్లు మాత్రం తాగరు. కానీ, ఇతరితర జ్యూసులు మానేసి కొబ్బరి నీళ్లు తాగితే వచ్చే ఆరోగ్య ప్రయోజనాలు అన్నీ ఇన్నీ కాదు. అయితే కొబ్బరి బొండాంలోని లేత కొబ్బరిని చాలా మంది వదిలేస్తారు. కొబ్బరి నీరు సరే.. కొబ్బరి బోండంలో ఉండే లేత కొబ్బరి తినడం వల్ల ఏం జరుగుతుంది. దీని వల్ల ఆరోగ్య ప్రయోజనాలు ఏంటి అన్నది చాలా మందికి అవగాహన లేకపోవచ్చు.
అలాంటి వారికి ఇప్పుడు ఖచ్చితంగా ఆన్సర్ దొరుకుతుంది. లేత కొబ్బరిలో ఆరోగ్యానికి మేలు చేసే ఎన్నో గుణాలు ఉన్నాయని చెబుతున్నారు నిపుణులు. ముఖ్యంగా ఇందులోని పోషకాలు జీర్ణ వ్యవస్థకి మేలు చేస్తాయి. మరియు లేత కొబ్బరిలో పీచు పదార్థం ఉంటుంది. ఇది కొవ్వును కరిగించి జీర్ణవ్యవస్థను చురుగ్గా మార్చేస్తుంది. బరువు తగ్గాలి అనుకునే వాళ్లు లేత కొబ్బరి తినాలి. లేత కొబ్బరిలో యాంటీ ఆక్సిడెంట్లు ఉంటాయి. అవి గుండెకు మేలు చేస్తాయి. బాడీలో వ్యర్థాల్ని బయటకు పంపుతాయి.
కొబ్బరి కాయల్లో పచ్చి కొబ్బరిని తింటే దగ్గు, నిమ్ము, ఆయాసం వంటి సమస్యలు వస్తాయి. అదే లేత కొబ్బరి అయితే పెద్దగా సమస్యలే ఉండవు. అదేవిధంగా, లేత కొబ్బరి మగవారి స్పెర్మ్ కౌంట్ని వృద్ధి చేస్తాయి. కాబట్టి లైంగిక సమస్యలతో బాధపడేవారు ఈ కొబ్బరిని తీసుకోవడం వల్ల చాలా మంచిది. మరియు మగవారిలోని అనేక సమస్యలను లేత కొబ్బరి దూరం చేస్తుంది. సో.. కొబ్బరి బోండం తాగక.. ఖచ్చితంగా అందులో ఉన్న లేత కొబ్బిర తినండి.