కొంతమంది చద్దన్నం తినాలంటే పెద్దగా ఆసక్తి చూపరు. మనం చాలా సందర్భాల్లో పెద్దల మూట చద్ది మూట అని వింటూ ఉంటాం. చద్దన్నం తింటే ఎంత మేలు జరుగుతుందో పెద్దల మాట వింటే కూడా అంతే మంచి జరుగుతుందని చెప్పటానికి ఆ సామెత ఉపయోగిస్తారు. ఉదయాన్నే చద్దన్నం, పెరుగు తినడం వల్ల శరీరానికి చాలా ప్రయోజనాలు కలుగుతాయి. చద్దన్నం పెరుగుతో కలిపి తింటే రోగనిరోధక శక్తి పెరగడంతో పాటు శరీరంలో వేడిని తగ్గిస్తుంది.
శరీరానికి కావాల్సిన కాల్షియం అందడంతో పాటు దంతాలు, ఎముకలను ధృడంలో మార్చడంలో చద్దన్నం సహాయపడుతుంది. చద్దన్నం రోజూ తింటే రక్తహీనత సమస్య తగ్గుతుంది. చద్దన్నం పేగుల్లో ఉండే హానికర బ్యాక్టీరియాను తొలగించటంతో పాటు రోజంతా ఉల్లాసంగా, ఉత్సాహంగా ఉండడంలో సహాయపడుతుంది. రోజూ చద్దన్నం తినేవారిలో రక్తపోటు అదుపులో ఉంటుంది. నీరసం, మలబద్ధకం లాంటి సమస్యలు కూడా దూరమవుతాయి.
చర్మ సంబంధిత సమస్యలతో బాధ పడే వారు రోజూ చద్దన్నం తింటే ఆ సమస్యల నుంచి బయటపడవచ్చు. చద్దన్నం రోజులో ఎక్కువ సమయం ఉల్లాసంగా ఉంచడంలో సహాయపడుతుంది. రాత్రి వండిన అన్నం రాత్రంతా అలాగే ఉంచడం వల్ల ఐరన్, పొటాషియం, క్యాల్షియం స్థాయిలు పెరిగి శరీరానికి మేలు చేకూరుస్తాయి. శరీరంలోని అన్ని అవయవాలకు బలం చేకూర్చడంలో చద్దన్నం సహాయపడుతుంది.
