చూడటానికి అంత ఆకర్షణీయంగా కనిపించకపోయినా సపోటా పండ్లు చాలా రుచిగా ఉంటాయి. సహజసిద్ధంగా లభించే ఈ పండ్లలో శరీరానికి అవసరమైన ఎన్నో పోషకాలు ఉన్నాయి. ఈ పండ్లలో అధికంగా ఉండే గ్లూకోజ్ శరీరానికి తక్షణ శక్తిని ఇస్తుంది. విటమిన్ ఏ ఎక్కువగా ఉండే ఈ పండ్లను తరచుగా తీసుకుంటే కంటి చూపు మెరుగుపడుతుంది. సపోటా యాంటీ-ఇంఫ్లమేటరీ ఏజెంట్‌గా పనిచేస్తుంది.
ఈ పండ్లు ఎటువంటి నొప్పినైనా, వాపునైనా సులభంగా తగ్గిస్తాయి. ఈ పండ్లలో ఉండే పోషకాలు, పీచు శరీరాన్ని క్యాన్సర్ భారీన పడకుండా కాపాడుతుంది. ఈ పండ్లు ఒత్తిడిని తగ్గించడంతో సహాయపడతాయి. ఈ పండ్లు రోజూ తింటే జీర్ణ సంబంధిత సమస్యలు అన్నీ దూరమవుతాయి. ఎముకల పటుత్వాన్ని పెంచడానికి అవసరమయ్యే ఐరన్, క్యాల్షియం ఈ పండ్లలో సమృద్ధిగా ఉంటాయి. ఈ పండ్లను తరచూ తీసుకుంటే మలబద్ధకం సమస్య నుంచి బయటపడవచ్చు.
ఈ పండ్లు గర్భం సమయంలో వచ్చే వికారం, వాంతి లాంటి లక్షణాలను దూరం చేస్తాయి. ఈ పండ్లలో ఉండే యంటీ వైరల్, యాంటీ బ్యాక్టీరియా లక్షణాలు మన శరీరం వ్యాధుల భారీన పడకుండా రక్షిస్తాయి. ఈ పండ్లు జలుబు, దగ్గు లాంటి సమస్యల నుంచి శరీరాన్ని రక్షిస్తాయి. ఊబకాయం సమస్యతో బాధ పడేవారు సపోటా పండ్లను రోజూ తీసుకుంటే సులభంగా బరువు తగ్గవచ్చు.
