എന്താണ് എബിസി ജ്യൂസ്?അതിന്റെ ഗുണങ്ങൾ നിരവധിയാണ്. സൗന്ദര്യത്തിന്റെ കാര്യത്തില്‍ തൊലിപ്പുറത്തുളളതു മാത്രമല്ല, ഉള്ളിലേയ്ക്കു കഴിയ്ക്കുന്നതിനും പ്രാധാന്യം ഏറെയുണ്ട്. ആരോഗ്യത്തിന് മാത്രമല്ല, സൗന്ദര്യത്തിനും പല പോഷകങ്ങളും ആവശ്യമാണ്. പോഷകക്കുറവ് തൊലിപ്പുറമേയും പ്രതിഫലിയ്ക്കും. നമ്മുടെ സ്വാഭാവികമായ ഭക്ഷണങ്ങള്‍ പലതും സൗന്ദര്യവും ഒപ്പം ആരോഗ്യവും നല്‍കാന്‍ പ്രാപ്തമാണ്.

 

 

 

  ജ്യൂസുകള്‍, അതായത് ഫ്രഷ് ജ്യൂസുകള്‍ സൗന്ദര്യത്തിനും ഒപ്പം ആരോഗ്യത്തിനും നല്‍കുന്നവയാണ്. ഇത്തരത്തിലെ ഒരു ജ്യൂസിനെക്കുറിച്ചറിയൂ. നല്ല നിറവും നല്ല തിളക്കമുള്ള ചര്‍മവും ചെറുപ്പവും ഒപ്പം ആരോഗ്യവും നല്‍കുന്ന ഒരു പ്രത്യേക ജ്യൂസ്. എബിസി ജ്യൂസ് എന്നാണ് ഇതിന്റെ പേര്.ആരോഗ്യത്തിനും ഒപ്പം സൗന്ദര്യത്തിനും ഒരു പോലെ ചേര്‍ന്ന ജ്യൂസാണിത്. ആപ്പിള്‍ ആന്റി ഓക്‌സിഡന്റുകളാല്‍ സമ്പുഷ്ടമാണ്. ഇതില്‍ ധാരാളും നാരുകളുമുണ്ട്. ചര്‍മ സൗന്ദര്യത്തിന് മികച്ച ഒന്നാണിത്.

 

 

  ആരോഗ്യത്തിനും ആപ്പിള്‍ മികച്ച ഗുണം നല്‍കുന്നു.പേരു സൂചിപ്പിയ്ക്കുന്നതു പോലെ തന്നെ എ എന്നത് ആപ്പിള്‍, ബി എന്നത് ബീറ്റ്‌റൂട്ട്, സി എന്നത് ക്യാരറ്റ് എന്നിവയെ സൂചിപ്പിയ്ക്കുന്നു. ഇതു പ്രത്യേക ആനുപാതത്തില്‍ എടുത്താണ് ഈ ജ്യൂസ് തയ്യാറാക്കുന്നത്.വൈറ്റമിന്‍ സി, വൈറ്റമിന്‍ എ എന്നിവ അടങ്ങിയ ക്യാരറ്റ് ചര്‍മത്തിന് നിറം മാത്രമല്ല, ചര്‍മത്തിലെ ചുളിവുകള്‍ നീക്കാന്‍ ഏറെ സഹായിക്കുന്ന ഒന്നു കൂടിയാണ്. ഇത് തിളക്കമുള്ള ചര്‍മത്തിനു സഹായിക്കുന്നു. ഇത് മുഖത്തു പുരട്ടാനും ഉത്തമമാണ്.

 

 

 

  ഉള്ളിലേയ്ക്കു കഴിച്ചാലും പുറത്തു പുരട്ടിയാലും സൗന്ദര്യ ഗുണം നല്‍കുന്ന ഒന്നാണിത്.ബീറ്റ്‌റൂട്ട് രക്തോല്‍പാദത്തിനു സഹായിക്കുന്നു. ഹീമോഗ്ലോബിന്‍ കൗണ്ട് കൂട്ടുന്നു. ചര്‍മത്തിന് ഇത് മികച്ചൊരു ടോണിക്കാണ്. ഇതുവഴി ആരോഗ്യ ഗുണങ്ങള്‍ക്കൊപ്പം ചര്‍മത്തിനു നിറവും തിളക്കവുമെല്ലാം വര്‍ദ്ധിയ്ക്കും.അയേണ്‍ സമ്പുഷ്ടമായ ഇത് ശരീരത്തിലെ രക്തോല്‍പാദനം വര്‍ദ്ധിപ്പിയ്ക്കുന്നു.

 

 

 

  ആരോഗ്യത്തിന് ഏറെ ഉത്തമമാണ് ഈ പ്രത്യേക ജ്യൂസ്. ഇതിലെ ഓരോ ചേരുവകളും ആരോഗ്യപരമായ ഏറെ ഗുണങ്ങള്‍ നല്‍കുന്നവയാണ്.ഇതു തയ്യാറാക്കാന്‍ ക്യാരറ്റ്, ബീറ്റ്‌റൂട്ട്, ആപ്പിള്‍ എന്നിവ തുല്യ അളവില്‍ എടുക്കുക. ഇതില്‍ ബീറ്റ്‌റൂട്ടിന്റെ തൊലി നീക്കി എല്ലാം കൂടി ചേര്‍ത്തടിച്ചു ജ്യൂസാക്കാം. ഇത് ദിവസവും ഒരു ഗ്ലാസ് വീതം കുടിയ്ക്കുന്നത് നല്ല നിറം നല്‍കും. ചര്‍മത്തിന് ചെറുപ്പവും തിളക്കവും നല്‍കും.  പല തരത്തിലെ ആരോഗ്യപരമായ ഗുണങ്ങളും എബിസി ജ്യൂസിനുണ്ട്.

 

 

 

  ക്യാന്‍സര്‍ അടക്കമുള്ള രോഗങ്ങള്‍ക്കെതിരെയുള്ള പ്രതിരോധമാണ് ഇത്. വയറിന്റെ ആരോഗ്യത്തിനും കുടല്‍ ആരോഗ്യത്തിനുമെല്ലാം ഉത്തമമാണ്. വിളര്‍ച്ചാ പ്രശ്‌നങ്ങളുള്ളവര്‍ കുടിയ്‌ക്കേണ്ട ജ്യൂസ് കൂടിയാണിത്ഈ പ്രത്യേക ജ്യൂസ് ചര്‍മത്തില്‍ ഇലാസ്റ്റിസിറ്റി നല്‍കാനും ചുളിവുകള്‍ വീഴുന്നതു തടയാനും ചര്‍മത്തിന് നിറം നല്‍കാനുമെല്ലാം ഏറെ നല്ലതാണ് അടുപ്പിച്ച് ഇത് ഒന്നു രണ്ടു മാസം കുടിച്ചു കഴിഞ്ഞാല്‍ ചര്‍മത്തിലുണ്ടാകുന്ന വ്യത്യാസങ്ങള്‍ നമുക്കറിയാന്‍ സാധിയ്ക്കും.

 

 

 

   ഈ എബിസി ജ്യൂസില്‍ വേണമെങ്കില്‍ ലേശം തേനും നാരങ്ങാനീരുമെല്ലാം തന്നെ ചേര്‍ക്കാം. ഇതും ചര്‍മത്തിനും ഒപ്പം ആരോഗ്യത്തിനും സഹായിക്കുന്ന ഒന്നു തന്നെയാണ്.മാത്രമല്ല സൗന്ദര്യത്തിനു സഹായിക്കുന്ന പ്രധാനപ്പെട്ട ഒരു ജ്യൂസാണിത്. വിളര്‍ച്ചാ പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണ്  

 

మరింత సమాచారం తెలుసుకోండి: