కరివేపాకు కూరల్లో రుచికే కాదు.. చర్మ సౌందర్మానికి, జుట్టు ఆరోగ్యంగా ఉండడానికి కూడా తోడ్పడుతుంది. కూరల్లో వేసే కరివేపాకు ఆహార పదార్థాలకు రుచి సువాసనే కాదు.. తినేవాళ్లకు ఆరోగ్యాన్ని కూడా పంచుతుంది. కూరలో కరివేపాకు అని ఎగతాళి చేసినా అది మనకు చేసే మేలు అంతాఇంతా కాదు. ఇందులోని ఔషధ గుణాలు ఆరోగ్యానికి ఎంతో మేలని నిపుణులు చెబుతుంటారు. బరువు తగ్గాలనుకునే వారు ఆహారంలో కరివేపాకును తప్పకుండా చేర్చుకోవాలి.
- రోజూ నాలుగు కరివేపాకులను తినడం వల్ల శరీరంలో కొవ్వు నిల్వలు కరిగి బరువు తగ్గేందుకు సాయం చేస్తుంది.
- కరివేపాకులో లభించే ల్యూటిన్ అనే యాంటి ఆక్సిడెంట్ ఆరోగ్యానికి ఎంతో మేలు చేస్తుంది. వ్యాధి నిరోధక శక్తి పెంచి రోగాల భారిన పడకుండా కాపాడుతుంది.
- దీనిలో ఫోలిక్ యాసిడ్, నియాసిన్, బీటా కెరటిన్, ఇనుము, క్యాల్షియం, పాస్ఫరస్, పీచు, మాంసకృత్తులు, కార్బొహైడ్రేట్లు పుష్కలంగా ఉంటాయి.
- కరివేపాకు జీర్ణక్రియ మెరుగుదల పరిచి అజీర్తి, మలబద్ధకం వంటి సమస్యలను దూరం చేస్తుంది.
- బాలింతల్లో పాలు బాగా పడటానికి కరివేపాకు ఎంతగానో ఉపయోగపడుతుంది.
- కిడ్నీ రోగులు దీన్ని ఎక్కువగా తింటే త్వరగా కోలుకోవచ్చు.
- కంటి సమస్యలకు కూడా కరివేపాకు మెడిసిన్లా పనిచేస్తుంది. రోజూ దీన్ని ఆహారంలో భాగంగా తీసుకుంటే వయసుతో పాటు వచ్చే కంటి సమస్యలను దూరం చేసుకోవచ్చు.
- షుగర్ వ్యాధిగ్రస్తులు రోజూ కరివేపాకు తింటే షుగర్ లెవల్స్ అదుపులో ఉంటాయి.
పై మేటర్ చదివారుగా... మనకు ఇంత మేలు చేసే కరివేపాకును ఈసారి కూరలు తినేటప్పుడు తీసిపారేయకుండా తినండి.