ఉదయాన్నే  వాకింగ్ లేదా పరుగెత్తేవారు సాధారణమైన ఆహారాన్ని తీసుకుంటే నీరసిస్తారు. వేగంగా పరుగుపెట్టేవారి ప్రత్యేకమైన ఆహారాన్ని తీసుకోవాలి.  చాలా ఎన‌ర్జిటిక్‌గా ఉంటే ప‌రుగెన‌త్తేట‌ప్పుడు ఆయాసం రాదు. కొంత మంది కొంత దూరం వేగంగా ప‌రుగెత్తిన త‌రువాత అస్త‌మానం బ్రేక్ తీసుకుంటుంటారు. అంటే వారిలో ఆయాసం వ‌స్తుంద‌న‌మాట‌. అలా రాకుండా ఉండాలంటే ముందు మ‌న శ‌రీరంలో ఇమ్మూనిటీ (రోగ‌నిరోధ‌క‌శ‌క్తి) ఉండాలి. చాలా బ‌లంగా ఉండాలి. బ‌లం అంటే ఎలా ప‌డితే అలా తినేయ‌కూడ‌దు. మ‌నం తీసుకునే ఆహారం చాలా జాగ్ర‌త్త‌గా మంచి ఫుడ్‌ను తీసుకోవాలి. వాటిలో ఎక్కువ‌గా కొవ్వు ప‌దార్ధాలు ఉండ‌కూడ‌దు. అవేమిటో  చూద్దాం.


  1. బీట్ రూట్లో విటమిన్ బి, సి, బీటా కెరొటీన్ ఎక్కువ. ఇందులో వుండే నైట్రేట్లు గుండె నాళాలకి ఆరోగ్యాన్నిస్తాయి. రక్త ప్రసరణ సరిగా జరిగేలా చూస్తాయి. బీట్ రూట్ నైట్రిక్ ఆక్సైడ్ ఎక్కువ ఉత్పత్తయ్యేలా చేసి వేగంగా, ఎక్కువ దూరం పరుగెత్తడానికి సహాయపడుతుంది.


2. ఉదయంవేళ ఎక్కువ దూరం పరుగెత్తాలనుకునేవారు ఓట్స్ తీసుకోవడం మంచిది. ఓట్స్ తీసుకోవడం వల్ల గైనమిక్ ఇండెక్స్ తక్కువ కాబట్టి బరువు త్వరగా తగ్గొచ్చు. ఎక్కువసేపు ఉత్సాహంగా పరుగెత్తగలుగుతారు.


3. అరటిపండులో పీచు, పిండిపదార్థాలు అధికం. వ్యాయామానికి ముందు ఒక అరటిపండును తీసుకోవడం వల్ల ఫలితం వుంటుంది. అంతేకాదు ఇది శరీరంలోని బి6 విటమిన్ స్థాయిల్ని పెంచుతుంది. ఇందులో ఎక్కువ మొత్తంలో ఉన్న పొటాషియం వల్ల శరీరం డీహైడ్రేషన్‌కి గురికాకుండా వుంటుంది


4. చేపలు బరువు తగ్గటానికి మాత్రమే కాదు. వేగంగా పరుగెత్తడానికి కూడా తోడ్పడతాయి. ఇందులో అధిక మొత్తంలో ఒమేగా 3 ఫ్యాటీ ఆమ్లాలు, ప్రోటీన్లు వుంటాయి. ఎముక, కండర బలాన్ని పెంచుతాయి. రోజూ పరుగెత్తేవారు చేపలను ఆహారంలో చేర్చుకోవడం వల్ల మంచి ఫలితం వుంటుంది.


మరింత సమాచారం తెలుసుకోండి: