విటమిన్ ఇ క్యాప్సుల్స్ ను ఉపయోగించి కొన్ని బ్యూటీ చిట్కాలు తెలుసు కుందాం.
పెదాలు మృదువుగా మారాలంటే:
పెదాలు మృదువుగా మారటానికి ఒక కప్పులో అర టీస్పూన్ తేనె తీసుకుని దానిలో ఒక విటమిన్ ఇ క్యాప్సుల్స్ కట్ చేసి వేయాలి. ఈ రెండింటిని బాగా కలపాలి. ఈ మిశ్రమాన్ని పెదవులకు రాసి రెండు నిమిషాల పాటు సున్నితంగా మసాజ్ చేసుకుంటే పెదాలు చాలా మృదువుగా కోమలంగా తయారవుతాయి.
కంటి కింద నల్లటి వలయాలు పోవాలంటే:
కంటి కింద నల్లటి వలయాలు పోవాలంటే ఒక కప్పులో అర స్పూన్ కొబ్బరి నూనె లేదా బాదం నూనెను తీసుకోవాలి. దానిలో ఒక విటమిన్ క్యాప్సిల్ కట్ చేసి వేయాలి. అన్నింటినీ బాగా కలపాలి, ఈ మిశ్రమాన్ని రాత్రి నిద్రపోయే ముందు కంటి కింద నల్లటి వలయాలు ఉన్న ప్రదేశంలో రాసి మరుసటి రోజు ఉదయం శుభ్రం చేసుకోవాలి. ఈ విధంగా కొన్ని రోజుల పాటు చేస్తుంటే నల్లటి వలయాలు మాయం అయిపోతాయి.
మడమల పగుళ్లు తగ్గాలంటే:
మడమల పగుళ్లు తగ్గాలంటే ఒక కప్పులో వ్యాజిలిన్ తీసుకోవాలి. అందులో ఒక విటమిన్ క్యాప్సిల్ వేసి కలపాలి. ఈ మిశ్రమాన్ని నిద్రపోయేముందు పగిలిన మడమలకు రాసుకుని పడుకోవాలి. ఇలా చేయడం వల్ల పగిలిన మడమలు మెత్తగా మృదువుగా తయారవుతాయి.
జుట్టు రాలకుండా ఒత్తుగా ప్రకాశవంతంగా ఉండాలంటే:గోరువెచ్చగా చేసిన ఆలివ్ ఆయిల్ లేదా కొబ్బరి నూనెలో ఒక విటమిన్ ఈ క్యాప్సుల్స్ ఆయిల్ వేసి బాగా కలిపి తలమీది రాసి సున్నితంగా మసాజ్ చేయాలి. ఒక అర గంట ఐన తరువాత తలస్నానం చెయ్యాలి.
విటమిన్ ఇ నూనెలో యాంటీ ఆక్సిడెంట్స్ సమృద్ధిగా ఉండటం వలన తలపై చర్మంలో అన్ని భాగాలకు రక్త సరఫరా అయి జుట్టు మొదళ్ళ నుండి చివరి వరకు ఆరోగ్యకరమైన పెరుగుదలను ప్రోత్సహిస్తుంది. అలాగే జుట్టు రాలకుండా ఒత్తుగా ప్రకాశవంతంగా ఉండేలా చేస్తుంది.
