చూడటానికి చిన్నగా ఉంటుంది..షట్ రుచులను కలిగి ఉంటుంది. అయితే ఉగాది పచ్చడి  అనుకోకండి... ఎక్కడ పడితే అక్కడ దొరుకుతుంది అయితే పులిహోరా కాదు. అదేనండి పానీ పూరి.. ఈ పానీ పూరి అంటే ఇష్టపడని వాళ్లు ఉండరేమో..అన్నిరకాల రుచులతో పాటు ధర కూడా తక్కువ … కావున ఎవరైనా తినకుండా ఉండలేరు . వయసుతో సంబంధం లేకుండా పిల్లల దగ్గరనుంచి పెద్దల వరకు అందరు ఇష్టపడతారు,ఇక సాయంత్రం వేళలో జనాలు బారులు తీరి ఇష్టంగా తినే పానీపూరి రోగాలను కూడా తెచ్చిపెడుతుందని ఇటీవల జరిగిన ఓ మెడికల్ కాలేజీ నిర్వహించిన సర్వేలో తేలింది. 

అయితే, ఈ పానీపూరి బండ్లు ఎక్కడబడితే అక్కడ మనకి దర్శనమిస్తాయి ..అలాంటి పానీపూరీలో కూడా ఎన్నో విషపదార్థాలు ఉన్నాయంట సుమీ..తినే ముందు మందులు మింగాలనే ఆలోచన మరవద్దని వైద్యనిపుణులు తేల్చి చెప్పారు.ఈ పానీపూరి తయారీ విధానమే కాకుండా అవి ఉండే ప్రాంతాలు కూడా ఎలా ఉన్నాయో చూసుకొని తినడం మరి మంచిదని వాళ్ళు వెల్లడిస్తున్నారు.

ఆ పానీ పూరి బండ్లకు దగ్గరిలో ఏదైనా చెత్త ఉందేమో చూసుకోవాలి.. ముఖ్యంగా మురికి కాలువలకు ఎంత దూరంలో ఉన్నాయో ఫస్ట్ చూసుకోవాలి.ఒకవేళ మురికి కాల్వలకు దగ్గరలో బండ్లు ఉండటం వలన , కొన్ని రకమైన బ్యాక్టీరియాలు పానీ పూరీ పైన చేరతాయి. ఇక అవి మనం తినడం వలన ఒక్కొక్కసారి మనకి వాంతులు, విరోచనాలు అవ్వడమే కాకుండా  జ్వరాలు కూడా వచ్చి ప్రాణాలు పోయే ప్రమాదముందంటున్నారు.

అందుకే వాటిని తినే ముందు ఒకటికి నాలుగు సార్లు ఆలోచించి తినమని వైద్యులు హెచ్చరిస్తున్నారు..పానీపూరి తినేముందు ఆ చుట్టూ ఒక్కసారి గమనించి తినడం మేలు..ఇంకా చెప్పాలంటే మురికికి దూరంగా ఉన్న మరియు అందించేవాడి చేతులు శుభ్రంగా లేకున్నా ,శుభ్రమైన నీటిని వాడక పోవడం ,ఒకే టబ్ లోని నీళ్లతో పదే పదే అన్ని ప్లేట్లు కడుగుతున్న,పానీలో చేతులు ముంచి ఇస్తున్న ,పెట్టేటప్పుడు గ్లౌజులు ధరించక పోయిన పానీపూరి బండ్ల దగ్గరుకు మీరు వెళ్లనే వద్దు..అలాంటి బండ్ల దగ్గరకు వెళ్లి తినక పోవడమే మేలంటా…

ఇలా వ్యాపారం పేరుతో జనాల ఆరోగ్యానికి ముప్పు తెచ్చేవాళ్ళకి తగిన విధమైన అవగాహన జీహెచ్‌ఎంసీ, వైద్య ఆరోగ్యశాఖ వారు తెలియచేయాలని ,మురికి కాలువల పక్కన ఉన్న వాటిని తొలగించి జనాలను జబ్బుల బారిన పడకుండా తగిన జాగ్రత్తలు తీసుకొని ,అలా వ్యాపారం చేసే ప్రబుద్దులకి తగిన గుణపాఠం చెప్పాలని నగర ప్రజలు అభిప్రాయపడుతున్నారు. రుచి వరకు ఓకే కానీ, రోగాలంటే ఎవరు వెళ్తారు చెప్పండి.. బి కేర్ ఫుల్ పానీపూరి లవర్స్.. అసలే ఇది వర్షాకాలం వద్దనుకున్నా కూడా రోగాలొస్తాయ్ .. జర జాగ్రత్త సుమీ..


మరింత సమాచారం తెలుసుకోండి: