సాధారణంగా తల్లిదండ్రులు తమ పిల్లలు బాగా చదవి ప్రయోజకులు కావాలని కోరుకుంటారు. పిల్లలు బాగా చదవాలంటే కొన్ని సూత్రాలు పాటించాలి. పిల్లల ముందు భార్యాభర్తలు ఎప్పుడూ తగువులాడుకోకూడదు. పక్కింటి, బంధువుల పిల్లలు బాగా చదివేస్తున్నారు.. మీరెందుకు సరిగ్గా చదువుకోరని పిల్లల్ని నిందించడం ముందుగా మానుకోవాలి.
ఏ చిన్న విజయాన్నైనా పిల్లలు వినేట్లుగా గొప్పగా చెప్పాలి. వారు చేసే ప్రతి పనిని మెచ్చుకోవాలి. తప్పు చేస్తే ఆ తప్పును వారు అర్థం చేసుకునే రీతిలో చెప్పాలి. దీంతో పిల్లలకు ఆత్మవిశ్వాసం అభివృద్ధి అవుతుంది. మీ పిల్లలూ బాగా చదువుకుంటారు.ఇంకా పిల్లలకు విద్యపై ఆసక్తి పెరగాలంటే ఏం చేయాలి? పిల్లలకు మంచి పౌష్టికాహారం ఇవ్వండి.అతిగా టి.వీలను చూడనీయవద్దు. ఎదిగే పిల్లలపై టి.వీ. ప్రభావం విపరీతంగా ఉంటుంది. ఇది మంచిది కాదు.రాత్రి 9 గంటల లోపుగా పిల్లలను నిద్రపుచ్చండి. చక్కటి నిద్రవారి బుద్ధి ఎదగడానికి సహకరిస్తుంది.ఏదేమైనా సూర్యోదయం ముందుగానే నిద్రలేపండి.చెడు స్నేహాలు ఏర్పడకుండా మీ పిల్లలను గమనిస్తూ ఉండండి.వారానికి ఒక్కరోజు కుటుంబ సభ్యులు అందరూ కలిసి ఏదైనా ఒక కొత్త ప్రాంతానికి లేదా సినిమాకు వెళ్ళిరండి. 3 లేదా 6 నెలలకు ఒకసారి కుటుంబమంతా కలిసి ఒక విహార యాత్రకు వెళ్ళిరండి. విజ్ఞానమును భోదించే విహారయాత్ర అయితే ఇంకా మంచిది.
ఉదయం మరియు రాత్రి తప్పనిసరిగా పళ్ళుశుభ్రం చేసుకునేలా మీరు అలవాటు చేయించండి. ఇలా చేసిన వారిలో నూటికి తొంభై తొమ్మది పాళ్ళు పళ్ళనొప్పులు రావు. పంటి బాధలు ఉండవు. ప్రతి దినమూ తప్పనిసరిగా మలవిసర్జన చక్కగా అవుతున్నదో లేదో గమనిస్తూ ఉండాలి. మల విసర్జన కచ్చితంగా ప్రతిరోజూ చక్కగా జరిగే పిల్లలు ఇతర పిల్లలకన్నా జ్ఞానవృద్ధి కలిగి ఉంటారు. పైగా వీరికి మెదడు చాలా చురుగ్గా ఉంటుంది. ఆరోగ్యంగా ఉంటారు. వీరికి అనారోగ్య సమస్యలు తక్కువని ఆరోగ్య నిపుణులు అంటున్నారు.
.
