ఇప్పుడు ప్రపచంలో పురుషులతో సమానంగా మహిళలు అన్ని రంగాల్లో ముందుంటున్నారు.  శాస్త్రవిజ్ఞానంలోనే కాదు వైద్య, విద్యా, రక్షణ శాఖల్లో పురుషులతో సమానంగా మహిళలు రాణిస్తున్నారు.  సమాజంలో పోలీస్ శాఖకు ప్రత్యేక గౌరవం ఉంటుంది..ఎక్కడ ఏ అల్లర్లు జరిగినా..దోపిడీ, హత్యలు జరిగినా వెంటనే స్పందించి..దోషులను పట్టుకొని శిక్షిస్తారు.   ఇక ఉన్నత హోదాలో ఉన్న అధికారులపై ఎంతో వత్తిడి ఉంటుందన్న విషయం తెలిసిందే.  సమాజంలో ఏ చిన్న రాద్దాంతం జరిగినా  ప్రతి ఒక్కరూ పోలీస్ డిపార్ట్ మెంట్ పై నిందలు వేయడం చూస్తూనే ఉంటాం..పోలీసుల వైఫల్యం వల్లే ఇలా జరిగిందని ఆరోపణలు చేయడం చూస్తూనే ఉంటాం..అయితే వీటన్నింటిని సమర్థవంతంగా ఎదుర్కొని సొసైటీలో శాంతిని తీసుకు రావడానికి శాయశక్తులా ప్రయత్నిసారు పోలీసులు. 

అలాంటి పోలీస్ డిపార్ట్ మెంట్ లో ఉన్నత హోదాలో ఊంటూ..సమాజ సేవ చేస్తూ..ఒక చిన్నారిని అడాప్ట్ చేసుకొని పాప చదువు ఇతర బాధ్యతలు దగ్గరుండి చూసుకుంటున్న ఓ పోలీస్ అధికారిణి గురించి చాల తక్కువ మందికి తెలుసు.  సాధారణంగా ఐపీఎస్ అధికారి అనగానే.. అవినీతి, ఆడంబరం, అక్రమ సంపాదన, క్రూరత్వం, రెడ్ టేపిజం, ఇలా ఎన్నో పదాలు వినిపిస్తాయి.  కానీ ఈ ఐపీఎస్ అధికారిని మాత్రం చాలా విభిన్నం. చందన దీప్తి 2012 బ్యాచ్ ఐపీఎస్ ఆఫీసర్. అచ్చ తెలుగమ్మాయి. ఆంధ్రప్రదేశ్ కి చెందిన ఈ అమ్మాయి రాష్ట్ర విభజనలో భాగంగా తెలంగాణలో నియమిపబడ్డారు.  తెలంగాణ సీఎం కెసిఆర్ తన అధికారిక మెదక్ జిల్లా పర్యటన సందర్బంగా ఒక చిన్నారిని అప్పగించాడని ఆ చిన్నారి బాధ్యతలు తీసుకొని స్వయంగా ఆ అమ్మాయి చదువు బాధ్యతను తానే పర్యవేక్షిస్తుంది.

2012 బ్యాచ్ కి చెందిన ఐపీఎస్ అధికారి అయిన ఈమె సైకిల్ వేసుకొని మెదక్ గల్లీల్లో తిరుగుతుంది. ప్రజల్లోకి చొచ్చుకుపోతుంది. సమస్యలు తెలుసుకుంటుంది. పరిష్కారం చేయటానికి ప్రయత్నిస్తుంది.   2012 లో లానే అంతే తాజాగా, అంతే ఉత్సహంగా ఉండటం అభినందనీయం. అదే ఈమె ప్రత్యేకత. ఒక ఆమ్రపాలి ఒక స్మిత సబర్వాల్ ఒక చంద్రకళ వీళ్ళ్లే కాదు ఒక చందన దీప్తి అనే యువ అధికారిణి కూడా మన తెలుగు రాష్ట్రాల్లో ఉంది. ఈ యువ అధికారిణి ఇప్పడు ప్రస్తుతం మెదక్ జిల్లా ఎస్పీగా విధులు నిర్వహిస్తున్నారు. ఇంతకు ముందు నిజామాబాద్ ఓఎస్డీ గా పని చేశారు. వ్యవస్థ తాలూకు అవలక్షణాలు ఈమెకు చాల దూరం. ఆమెని చూడగానే ప్రశాంతతకు మరో రూపం ఆమేనని అనిపించక మానదు. చూడచక్కని సౌందర్యం... నక్షత్రాల్లాంటి నయనాలు... బాణాల్లాంటి చూపులు.... చందమామ లాంటి మోము.... చదువుల తల్లి జ్ఞాన సరస్వతి తననే అంటిపెట్టుకుందా అన్నట్లుగా కనిపించే తన వదన విజ్ఞాన తేజస్సు. ముఖ్యంగా ముఖాన గుండ్రటి బొట్టుతో ముచ్చటగా ఉంటుంది. ఆమే చందన దీప్తి, ఐపీఎస్. 


నిజానికి యూపీఎస్సీ పరీక్షలో పాసై ఏదో కేంద్ర సర్వీస్ దక్కితే చాలు... ఇక చాలు ఇంకేం అవసరం లేదు ఆ పోస్ట్ ద్వారా దక్కే జీతం, గీతం, హోదా, అధికారం, పెత్తనం, వావ్ జీవితం పులపాన్పు అవుతుందనిపిస్తుంది చాలా మందికి. కానీ ఆ పోస్ట్ కి విలువ తీసుకొచ్చేది, దాన్ని సేవకి వినియోగించుకునేది కొందరే... నిజానికి ఇలాంటి అధికారులను సీనియర్ ఐపీఎస్ అధికారులు చాల చిల్లరగా, చీప్ గా చూస్తారు. కానీ యువ అధికారులందరూ అవేం పట్టించుకోరు. ప్రజలకు తామేం చేయాలని నిర్ణయించుకున్నామో అవన్నీ చేసేస్తారు. అలాంటి వాళ్లలో చందన దీప్తి ఒకరు. ఎవరిని నొప్పివ్వకుండా, తన గురి తప్పకుండా తన పని తాను చేసుకుంటూ ప్రజలకు వీలయినంత దగ్గరగా ఉంటారు. 


అక్రమార్కుల గుండెల్లో గుబులు పుట్టించే ఈమె ఎంతో నిరాడంబరంగా ఉంటుంది. తానొక అధికారిననే అహంభావం మచ్చు కైనా కనిపించనీయదు. ఎంతగా అంటే ప్రజావాణిలో ప్రతి వారం న్యాయం కోసం వచ్చే సామాన్య ప్రజలతో ఎంతో ప్రేమగా మాట్లాడుతుంది. వారి సమస్యల పరిష్కారం కోసం ప్రత్యేకంగా శ్రద్ద చూపుతుంది. దీనిలో ఏంటి ప్రత్యేకత అనుకుంటున్నారా??? అందరు అధికారులే చేసేదే కదా అన్న అనుమానం రావచ్చు. కానీ ఈమె శైలి వేరు...! ఆమె దగ్గరికి న్యాయం కోసం ఏ వ్యక్తినైనా చిరునవ్వుతో వెళ్లేలా చేస్తుంది. ఆ వ్యక్తులతో ఒక అధికారిణి లాగా మాట్లాడకుండా తానొక కుటుంబ సభ్యురాలిగా వాళ్ళతో మమేకం అవుతుంది. అందుకే ఆమె దగ్గరికి వెళ్తున్నారంటే మెదక్ జిల్లా ప్రజలు ఒక పోలీస్ ఉన్నతాధికారి వద్దకి వెళ్తున్నామనే భావనతో ఉండరు. 


మెదక్ర జిల్లాలో రక్షక భటులు కాదు భక్షక భటులని ప్రజల్లో ఉన్న చెడ్డ పేరుని ఆమె దూరం చేసింది. ఫ్రెండ్లీ పోలీస్ కి నిజమైన అర్థాన్నిచ్చిన యువ అధికారిని చందన దీప్తి. కార్టన్ సెర్చ్ అంటూ ప్రజల ఇళ్లలోకి చొరబడి వాళ్ళని భయభ్రాంతులను గురి చేయదు. ఆ కార్టన్ సెర్చ్ నే ప్రజల దగ్గరికి వెళ్లే అరుదైన అవకాశంగా భావించి వారికి ఉపయోగపడే విలువైన సూచనలు, సలహాలు అందజేస్తుంది.  అపరిచితులకు ఇల్లు అద్దెకి ఇవ్వవద్దంటూ ఒకవేళ ఇవ్వాల్సి వస్తే తమ ఐడెంటిటీ దఖలును అడగాలని, యువత బాధ్యతతో మెదగాలని అల్లర చిల్లర తిరుగుళ్ళు తిరగ్గద్దని ఉద్బోధ చేస్తూ వారికి వీలయితే ఉపాధి మార్గం కూడా చూపెట్టి యువత పెడదారి పట్టకుండా చూస్తుంది.

ఇలాంటి చిన్న చిన్న విషయాలే పెద్దగా పెద్దగా స్ఫూర్తి దాయకం. ప్రత్యేకించి ఇప్పుడే ప్రజల్లోకి అడుగుపెడుతున్న యువ అధికారులకి ఈమె లాంటి కథలే మార్గదర్శకాలు. కాస్త ఇలాంటి వాళ్ళకి సమాజం తోడుగా నిలిస్తే చాలు. ఇలాంటి వాళ్ళు సమాజం అభినందనలు పొందే దశలో ఎందుకు దున్నేయరు...? ఖచ్చితంగా చరిత్రని తిరగరాస్తారు. ఎటొచ్చి తుచ్ఛమైన రాజకీయాలు.., కొందరు అజ్ఞానపు రాజకీయ నాయకులు ఇలాంటి వాళ్ళకి శాపాలు, పాపాలు,  ప్రతిబంధకాలు. ఈమెలాంటి వాళ్లకి అలాంటి రాజకీయాల పీడ ఎదురుగాకుండా ఉండు గాక...!!


మరింత సమాచారం తెలుసుకోండి: