జీవితంలో గెలవాలంటే ఏదైనా సాధించాలంటే జాలి, దయ, మంచితనం తప్పనిసరిగా ఉండాలి. వీటితో పాటు సమయాన్ని బట్టి నడుచుకోవటం, సమాజ పరిస్థితులను అర్థం చేసుకోవడం తెలిసి ఉండాలి. చెడు స్నేహాలకు ఎప్పుడూ దూరంగా ఉండాలి. చెడు స్నేహాలు, చెడు అలవాట్లు మీ ఆలోచనలకు కూడా అందని విధంగా జీవితాలను నాశనం చేస్తాయి. కుల, మత, పేద, ధనిక భేదాలను చూపకుండా మంచివారితో స్నేహం చేస్తే జీవితంలో ఖచ్చితంగా విజయం వరిస్తుంది.
అత్యాశ, కోపం వలన మేలు జరిగే కంటే కీడు జరిగే అవకాశాలే ఎక్కువ. అందువలన ఇతరుల ధనానికి ఆశ పడకుండా, కోపాన్ని తగ్గించుకుంటే మంచిది. జీవితంలో ఏ పనులనైనా వీలైనంతవరకు ఇతరులపై ఆధారపడకుండా తమకు తాము చేసుకోవడం ఉత్తమం. మన అవసరాల కోసం కొన్ని పనులు నేర్చుకున్నా ఆ పనులు మనకు జీవితంలో ఉపయోగపడటంతో పాటు విజయం సాధించటానికి సహాయపడతాయి.
జీవితంలో ఎప్పుడూ తమ కష్టాన్ని తాము నమ్ముకుని చిత్తశుద్ధితో పోరాటం చేస్తే విజేతలుగా నిలిచే అవకాశాలు ఎక్కువగా ఉంటాయి. జీవితంలో ఎప్పుడూ ఇతరులపై అతి ప్రేమ, అతి నమ్మకం పనికిరాదు. అతి నమ్మకం, అతి ప్రేమ మోసానికి, నాశనానికి దారి తీస్తాయి. జీవితంలోని ప్రతి దశలోను కొత్త కొత్త విషయాలను నేర్చుకోవాలి. అలా నేర్చుకుంటే ఖచ్చితంగా విజయం సాధించవచ్చు. ఏ పనినైనా పూర్తిగా తెలుసుకున్న తరువాతే మొదలుపెట్టాలి. లేకపోతే మధ్యలోనే వదిలేయాల్సిన పరిస్థితులు ఏర్పడతాయి. ఏదైనా సాధించాలని అనుకుంటే దానిపై అమితమైన ఆసక్తి ఉండాలి. లేకపోతే ఏమైనా సాధించాలని అనుకున్నప్పటికీ సాధించలేము.
