చాలా మంది గుడ్డెద్దు చేలో పడినట్టు జీవితంలో వ్యవహరిస్తుంటారు. సమాజంలో అంతా ఎలా ఫాలో అవుతున్నారో దాన్నే గుడ్డిగా ఫాలో అవుతుంటారు. పక్కవాళ్లు ఏం చేస్తే తామూ అదే చేస్తుంటారు. అంతకు మించి ప్రత్యేకంగా ఆలోచించరు. ఇలాంటి వాళ్లే చిన్నపాటి జీతానికి కూడా గొడ్డు చాకిరీ చేస్తుంటారు.
అయితే ఒక్కసారి మీలో ఉన్న టాలెంట్ ను మీరు గుర్తించండి.. ప్రతి ఒక్కరకీ ఓ టాలెంట్ ఉంటుంది. ఎన్నిరంగాల్లో ఫెయిలైనా ఏదో ఒక ప్రత్యేకత ఉంటుంది. ముందు దాన్ని గుర్తించారు. అది సాధ్యమైతే..ఇక జీవితంలో మీకు తిరుగు ఉండదు. మీ ప్రత్యేకతే మీ పెట్టుబడిగా మారుతుంది.
మీకు ఏదైనా ఓ ప్రత్యేక కళ వచ్చి ఉన్నా.. మీరు గొడ్డుచాకిరీ చేసే ఉద్యోగం చేయడం మీ టాలెంట్ ను మీరు అవమానించడమే అవుతుంది. మీకున్న టాలెంట్ ను వ్యాపారాత్మకంగా ఎలా మలచుకోవాలో ఆలోచించండి. ఒకరి కింద పని చేయడం కంటే.. నలుగురి పని ఇచ్చే స్థాయికి మీకు ఉన్న టాలెంట్ తో ప్రయత్నించండి.
ఆ పని చేయాలంటే ముందు నిరాశ, నిస్పృహలను అస్సలు దరి చేరనీయకండి. లైఫ్ లో అనుకున్నది సాధించండి. అన్నింటికంటే సానుకూల దృక్ఫథం చాలా ముఖ్యమని గ్రహించండి. ఆల్ ద బెస్ట్.
