జీవితంలో ఏ పనిలోనైనా విజయం సాధించాలంటే మొదట భయాన్ని వీడాలి. భయపడుతూ లక్ష్యం దిశగా అడుగులు వేస్తే కొన్ని సందర్భాలలో లక్ష్యాలను ఎదుర్కోవటంలో సమస్యలు ఎదురవుతాయి. భయాన్ని వీడితేనే విజయాలు సొంతమవుతాయనే విషయాన్ని ఎల్లప్పుడూ గుర్తుంచుకోవాలి. లక్ష్యం ఉన్నవారే ఎప్పటికైనా, ఏ విషయంలోనైనా విజయం సాధిస్తారని గుర్తుంచుకోవాలి.
కొందరు పరీక్షలంటే, నలుగురి ముందు మాట్లాడాలంటే భయపడుతూ ఉంటారు. కానీ భయపడేవారికి ఆ భయం వలన చాలాసార్లు అభివృద్ధి ఆగిపోతుంది. ఎంతో మంది భయం వలన వారు ఎంచుకున్న లక్ష్యాలను చేరుకోలేక కలలను నిర్వీర్యం చేసుకుంటున్నారు. కానీ భయాన్ని జయిస్తే మాత్రం సులభంగా విజయాలను అందుకోవచ్చు. భయం వలన లక్ష్యాలను సాధించడంలో ఆటంకాలు ఏర్పడుతుంటే మొదట ఆ భయం ఏ సందర్భంలో వస్తుందో గుర్తించాలి.
భయాన్ని ఎదుర్కోవడం వలనే భయాన్ని తగ్గించుకోగలమని ఎల్లప్పుడూ గుర్తుంచుకోవాలి. భయాన్ని తగ్గించుకోవడానికి అవసరమైతే ఇతరుల సహాయం తీసుకోవడం మంచిది. లేకపోతే అనవసర ఇబ్బందుల్లో పడి మనలో భయం పెరిగే అవకాశాలు ఎక్కువగా ఉంటాయి. చాలా సందర్భాలలో భయాలు మన ఊహల నుండే పుడతాయి. జీవితంలో ప్రతి విషయంలోను పాజిటివ్ గా ఆలోచించడం వలన భయాలను వీడి విజయాలను సులభంగా సొంతం చేసుకోవచ్చు.
