మాట మీద నిలబడటం వేరు
నిలబడే మాట పలకడం వేరు
మొదటిది నిజాయితీ
రెండవది దార్శనికత.
****
చెప్పింది చెయ్యడం వేరు
చేసేది చెప్పడం వేరు
మొదటిది నిబద్ధత
రెండవది పారదర్శకత.
****
ఇతరుల మది గెలవడం వేరు
ఇతరుల మదిలో నిలవడం వేరు
మొదటిది తంత్రం
రెండవది తత్వం.
****
ఎంత దూరమైనా వెళ్ళడం వేరు
ఎంత దూరం వెళ్ళాలో తెలియడం వేరు
మొదటిది సాహసం
రెండవది వివేకం.
****
ఎలాగయినా చేయడం వేరు
ఎలా చేయాలో తెలిసుండటం వేరు
మొదటిది చొరవ
రెండవది నేర్పు.
****
ఇతరులపై చూపుడు వేలు ఎత్తడం వేరు
ఇతరులకోసం పిడికిలి బిగించడం వేరు
మొదటిది నింద నీడన అస్తిత్వం
రెండవది నీడ వీడిన చైతన్యం.
****
గెలవడం వేరు
గెలిపించడం వేరు
మొదటిది నేను
రెండవది మేము.
****
సంఘం కట్టడం వేరు
సంఘటితం అవ్వడం వేరు
మొదటిది వ్యూహం
రెండవది విప్లవం.

మరింత సమాచారం తెలుసుకోండి:

life people inspire to aspire quotes travel distance

Vamsi

05/04/2018 02:14 AM