సాధార‌ణంగా చాలా మందికి మార్నింగ్ టీ లేకుండా ఉండ‌లేరు. అయితే టీ వల్ల పెద్దగా ఉపయోగం ఏముంటుంది అని మనలో చాలా మంది అనుకుంటూ ఉంటారు. అదొక అలవాటని కొందరి అభిప్రాయం. కానీ, ఆరోగ్యానికి అవసరమైన ఉత్తమ ప్రయోజనాలు టీలో దండిగా ఉన్నాయని శాస్త్రవేత్తలు స్పష్టం చేస్తున్నారు. రోజుకో కప్పు చాయ్ తాగితే డాక్టర్‌కు దూరంగా ఉండవచ్చని పలు సర్వే ఫలితాలు రుజువు చేస్తున్నాయి.


మిగతా ఆహార పదార్థాల కంటే టీలో ఫ్లేవనాయిడ్స్ అధికంగా ఉండడమే ఈ ప్రయోజనాలకు కారణం. సగటున ఒక కప్పుటీలో 130 మిల్లీగ్రాముల ఫ్లేవనాయిడ్స్ లభిస్తాయి. రోజులో 415 మి.గ్రా ఫ్లేవనాయిడ్స్‌ను తీసుకోవడం ద్వారా నాడుల సక్రమంగా పనిచేస్తాయని పరిశోధకులు పేర్కొంటున్నారు. అంతేకాదు రక్తనాళాలు వ్యాకోచించేందుకు ఈ ఫ్లేవనాయిడ్స్ తోడ్పడతాయి. దీనివల్ల గుండె ఆరోగ్యం పదిలంగా ఉంటుంది. ఒత్తిడి, అలసటను తగ్గించడంతోపాటు రోగనిరోధక వ్యవస్థను టీ ఉత్తేజపరుస్తుంది.


శరీరంలో నీటిశాతాన్ని సమతుల్యంగా ఉంచడంలో కూడా ఇది ముఖ్యపాత్ర పోషిస్తుంది. అయితే బ్లాక్, గ్రీన్ టీలలో సాధారణ టీ కంటే ఆరోగ్య ప్రయోజనాలు అధికంగా ఉంటాయని పరిశోధకులు వెల్లడిస్తున్నారు. రోజుకు ఒక క‌ప్పు టీ తీసుకోవ‌డం వ‌ల్ల కొలెస్ట్రాల్‌ కంట్రోల్ చేయ‌వ‌చ్చు. కానీ ప‌రిమితికి మంచి టీ త్రాగడం వల్ల ఆక్సిడెంట్లు పెరుగుతాయి. ఈ ఆక్సిడెంట్లు ఎక్కువైతే క్యాన్సర్‌ మరియూ ఉబకాయం లాంటి వ్యాధుల భారిన పడే అవకాశం ఉందని నిపుణులు చెప్తున్నారు.   



మరింత సమాచారం తెలుసుకోండి: