ఉల్లాసమైన వ్యక్తిత్వం గురించి వివరించడానికి అనేకమంది అనేక ప్రయత్నాలు చేసారు. 14వ శతాబ్దం లోనే ఉల్లాసమైన వ్యక్తిత్వం పై పుస్తకాలు వచ్చాయి అంటే అప్పటికే ఒక మనిషి విజయాన్ని ప్రభావితం చేసే వ్యక్తిత్వంలో ఉల్లాసమైన వ్యక్తిత్వానికి ఎలాంటి ప్రాధాన్యత ఉందో అర్ధం అవుతుంది.
ఉల్లాసమైన వ్యక్తిత్వం అంటే ఒక మాటలో లేదంటే కొన్ని వాక్యాలలో చెప్పే విషయం కాదు. ఒక వ్యక్తి ఉల్లాసవంతమైన వ్యక్తిత్వం అతడి ముఖ కవళికలలోను ముఖ చర్మం పై గీతలలోను ఒక వ్యక్తి గొంతు స్వరంలోను అదేవిధంగా ఆ వ్యక్తి వాడే భాష లోను స్పష్టంగా కనిపిస్తూ ఉంటుంది.
దీనితో మనతో మాట్లాడే ఆ వ్యక్తి వ్యక్తిత్వం ఏమిటి అన్నవిషయం చాల సులువుగా తెలిసిపోతు ఉంటుంది. ఉల్లాసమైన వ్యక్తిత్వం ఉన్న వ్యక్తి చాల చురుకుగా ఉండటమే కాకుండా ఎదుటి వ్యక్తిని బాధపడే మాటలు మాట్లాడడు. అంతేకాదు తాను ధరించే దుస్తుల రంగుల విషంలో కూడ సందర్భానికి తగ్గట్టుగా ప్రవర్తిస్తూ ఉంటాడు. అదేవిధంగా వృత్తి పరంగా తనతో పనిచేసే వారు చాల తక్కువ స్థిలో ఉన్నా వారిని ప్రోత్సహిస్తూ వారి ఎదుగుదలకు తన వంతు సహకారం అందిస్తూ ఉంటాడు. సంగీతాన్ని చిన్న పిల్లలను బాగా ప్రేమించే లక్షణాలు ఈ వ్యక్తిలో బాగా కనిపిస్తాయి. ముఖ్యంగా పెద వాళ్ళు కనిపిస్తే చాలు ఇలాంటి వ్యక్తిత్వం ఉన్న వాళ్ళు కరిగిపోతు ఉంటారు.
ఇక తన దైనందిన జీవితానికి సంబంధించిన ప్రతి విషయంలోను చాల నిర్మాణాత్మకంగా ఉండే విధంగా ఇలాంటి వ్యక్తులు బాగా కష్టపడుతూ ఉంటారు. ఇలాంటి వ్యక్తిత్వం ఉన్నవాళ్ళు ఎన్ని వ్యతిరేక పరిస్థితులు ఎదురైనా చాల సులువుగా విజయాన్ని అందుకుని తద్వారా ఐశ్వర్య వంతులు కాగలుగుతారు. ఎదుటి వారిలో మన పట్ల మంచి అభిప్రాయం కలిగేలా చేసే కృషిలో ఉల్లాసవంతమైన వ్యక్తిత్వం కీలక పాత్ర వహిస్తుంది. దీనితో ఇలాంటి వ్యక్తిత్వానికి ఏర్పరుచు కోవడానికి ప్రయత్నాలు చేసే వ్యక్తులు మాత్రమే విజయ తీరాలకు చేరుకోగలుగుతారు..
