ఇప్పుడు టాలీవుడ్ మొత్తం నాని పేరే జపిస్తోంది. నాని పట్టిందల్లా బంగారమే. అందుకే నానితో సినిమాలు చేసేందుకు నిర్మాతలు ఉవ్విళ్లూరుతున్నారు. ఎలాంటి సినిమా అయినా ఈజీగా చేసేస్తున్న నాని... ఈ సమ్మర్ కి కృష్ణార్జున యుద్ధంతో ముందుకొస్తున్నాడు. డ్యూయెల్ రోల్ తో సందడి చేయబోతున్నాడు.
ఈగ సినిమాతో సూపర్ క్రేజ్ తెచ్చుకున్న నాని ఆ తర్వాత చేసిన అనేక సినిమాలు సూపర్ హిట్ అయ్యాయి. ఇందుకే ఇప్పుడు నాని నిర్మాతల ఫేవరేట్ హీరోగా మారిపోయాడు. ఈ సమ్మర్ కి కృష్ణార్జునయుద్ధం చేయబోతున్నాడు. టీజర్ ఇప్పటికే సందడి చేస్తోంది. రాయలసీమ యాసలో ఉన్న జానపదం కుర్రకారును చిందులేయిస్తోంది. ఇక నాని యాక్షన్ గురించి ప్రత్యేకంగా చెప్పాల్సిన అవసరమేముంటుంది.
ఏప్రిల్ 12న కృష్ణార్జున యుద్ధం రిలీజవుతోంది. ఈ సినిమా రిజల్ట్ పై ఎన్నో ఆశలు పెట్టుకున్నాడు నాని. మేర్లపాక మురళి దర్శకత్వం వహించిన ఈ సినిమా తప్పకుండా ఘన విజయం సాధిస్తుందనే నమ్మకంతో ఉంది సినిమా టీం. దీని తర్వాత నాగార్జునతో కలిసి ఓ మూవీ చేయబోతున్నాడు ఈ నేచురల్ స్టార్. మరి కృష్ణార్జున యుద్ధం ఏం చేస్తుందో చూద్దాం .!
