తెలుగు ఇండస్ట్రీలోకి ‘ఇష్టం’ చిత్రంతో హీరోయిన్ గా ఎంట్రీ ఇచ్చిన శ్రియ శరణ్ తర్వాత అగ్ర హీరోల సరసన నటించి మంచి నటిగా గుర్తింపు తెచ్చుకుంది. ఇప్పటికీ తన గ్లామర్ విషయంలో ఎంతో శ్రద్ద తీసుకుంటున్న శ్రియ హీరోయిన్ గా కొనసాగుతుంది. సీనియర్ హీరోల సరసన ఇప్పటికీ అవకాశాలను దక్కించుకుంటూ ఉండటం విశేషం. ఈ క్రమంలో శ్రియ చేసిన సినిమాలు భారీ విజయాలను అందుకోవడం కూడా ఆమెకి బాగా కలిసొచ్చింది.
ఈ నేపథ్యంలో తాజాగా ఆమె లేడీ ఓరియెంటెడ్ మూవీ చేయడానికి గ్రీన్ సిగ్నల్ ఇచ్చింది. రీసెంట్ గా ఈ సినిమా పూజా కార్యక్రమాలు జరుపుకుంది. లేట్ వయసులోనూ ఘాటైన అందాలను ఆరబోస్తూ ఇంకా దర్శక నిర్మాతల దృష్టిలో పడడానికి తెగ ట్రై చేస్తుంది. మరి పెళ్లి వయసు దాటిపోయిన చాన్నాళ్లకు పెళ్లి చేసుకున్న శ్రియ కొన్నాళ్ళు హనీమూన్ అంటూ ఎంజాయ్ చేసేసి.. తిరిగి కెరీర్ మీద దృష్టి పెట్టింది.
ఈ మద్య ఓ ఇంటర్వ్యూలో మాట్లాడుతూ.. పెళ్లి చేసుకున్న తరువాత సినిమాలు చేయకూడదనే రూల్ ఏమీ లేదు కదా .. అంటూనే… ఇప్పుడప్పుడే పిల్లల ఆలోచన కూడా లేదని కుండబద్దలు కొట్టింది. ఇప్పుడే పిల్లలేమిటండి… ఇంకా ఓ ఇరవై సినిమాలు చేయాలని ఉంది అంటూ అందరినీ షాక్ కి గురి చేసింది.
మరి ఇప్పటికే వయస్సు దాటాక పెళ్లి చేసుకుంది అంటుంటే.. ఇప్పుడు పిల్లలని ఏ వయసులో కంటుందో అనే సెటైర్స్ వేస్తున్నారు నెటిజన్లు. ఈ మద్య కొంతమంది హీరోయిన్స్ మాత్రం పెళ్లి, పిల్లల తర్వాత కూడా సినిమాల్లో బిజీ అవుతున్నారు.
