సినిమా పరిశ్రమలో గతంలో కొన్ని సినిమాల్లో నటించినా పెద్దగా గుర్తింపు రాని వారికి టెలివిజన్ లో వచ్చే కొన్ని కార్యక్రమాలతో ఒక్కసారే సెలబ్రెటీలు అవుతున్నారు. ఈ నేపథ్యంలోనే జబర్ధస్త్ కామెడీ షోతో హాట్ యాంకర్లుగా గుర్తింపు తెచ్చుకున్న అనసూయ, రష్మి గౌతమ్ సినిమా ఇండస్ట్రీలో వరుసగా ఛాన్స్ లు వస్తున్న విషయం తెలిసిందే. ప్రస్తుతం బిగ్ బాస్ 2 సీజన్ నడుస్తుంది..ఇందులో సభ్యురాలిగా ఉన్న భాను కి అదృష్టం కలిసి వచ్చింది. డాన్సర్‌గా కెరీర్‌ను ప్రారంభించి ఆ తరవాత సీరియళ్లలో నటించి, సినిమాల్లో అవకాశాలు అందిపుచ్చుకుంటున్న తెలుగమ్మాయి భానుశ్రీ రెడ్డి.
‘కుమారి 21ఎఫ్’, ‘బాహుబలి ది బిగినింగ్’లో చిన్న పాత్రలు చేసి ప్రేక్షకుల దృష్టిలో పడింది. ఆ తరవాత ‘మౌనం’,‘ఆవు పులి మధ్యలో ప్రభాస్ పెళ్లి’, ‘ఇద్దరి మధ్య 18’ వంటి చిత్రాల్లో హీరోయిన్‌గా నటించినా పెద్దగా గుర్తింపు రాలేదు. తాజాగా ‘బిగ్ బాస్ 2’లో కంటిస్టెంట్‌గా చేరి బిగ్ హౌజ్‌లో సందడి చేస్తూ అందరినీ ఆకర్షిస్తోంది. తన హస్కీ వాయిస్, చిర్రుబిర్రు కోపాలతో ప్రేక్షకులను తనవైపు తిప్పుకుంటోంది.
ఓ వైపు బిగ్ బాస్‌లో చేస్తోన్న భానుశ్రీకి తాజాగా సినిమా అవకాశమూ వచ్చింది. శాండిల్ వుడ్ లో 28 సినిమాల్లో నటించి మంచి పేరు తెచ్చుకున్న హీరో యోగి ఫల్గుణ్ ఇప్పుడు తెలుగు సినీరంగానికి పరిచయమవుతున్నారు. ఈ సినిమాలో భానుశ్రీ హీరోయిన్‌గా ఎంపికైంది. శ్రీ రాగ క్రియేషన్స్, సామి అసోసియేట్స్ పతాకాలపై పోషం మట్టారెడ్డి, టి.పి.సిద్ధరాజు, కె.నారాయణమూర్తి సంయుక్తంగా నిర్మిస్తున్న ‘మొనగాడు’ అనే చిత్రంలో యోగి, భానుశ్రీ జంటగా నటించనున్నారు. ఎం.ఎం.వెంకట్ దర్శకత్వం వహిస్తున్నారు.
మొనగాడు’ చిత్ర ప్రారంభోత్సవం హైదరాబాద్‌లోని రామానాయుడు స్టూడియోలో జరిగింది. . ‘కన్నడ చిత్రాల్లో హీరోగా నటించిన నాకు తెలుగు సినిమాల్లో నటించాలన్న కోరిక ఎప్పటి నుంచో ఉంది. అది ఇలాంటి మంచి చిత్రం ద్వారా నెరవేరుతున్నందుకు ఆనందంగా ఉంది. తెలుగు ప్రేక్షకులు నన్ను ఆదరిస్తారనే నమ్మకంతో ఉన్నాను’ అన్నారు. ఈ చిత్రంలోని ఇతర పాత్రల్లో కవిత, జూనియర్ రేలంగి, మేఘన, అబ్దుల్ మునాఫ్, ఉమామహేష్ ఉప్పుగళ్ల నటిస్తున్నారు.
