టాలీవుడ్ లో నందమూరి వారసుడిగా ఎస్ ఎస్ రాజమౌళి దర్శకత్వంలో ‘స్టూడెంట్ నెం.1’సినిమాతో హీరోగా పరిచయం అయ్యాడు జూ.ఎన్టీఆర్. కెరీర్ బిగినింగ్ లో ఎన్టీఆర్ చాలా లావుగా ఉండటంతో అసలు హీరోగా రాణిస్తాడా అన్న అనుమానాలు వచ్చాయి..కానీ ఎన్టీఆర్ ఫైట్స్, డ్యాన్స్ చూసి అందరూ ముక్కున వేలు వేసుకున్నారు. స్వతహాగా క్లాసికల్ డ్యాన్సర్ అయిన ఎన్టీఆర్ మాస్ సాంగ్స్ తో మెప్పించారు. కృష్ణ వంశి దర్శకత్వంలో ‘రాఖీ’సినిమాలో మరీ లావుగా కనిపించడంతో చాలా మంది విమర్శించడం మొదలు పెట్టారు. అదే సమయంలో దర్శకధీరుడు రాజమౌళి ‘యమదొంగ’సినిమాలో నటించాడు ఎన్టీఆర్.
ఆ సినిమాతో పూర్తిగా మారిపోయాడు..సన్నగా కరెంట్ తీగలా మారిపోయాడు. ఆ సినిమాలో ఎన్టీఆర్ తన నటవిశ్వరూపాన్ని చూపించాడు. రాజమౌళి - ఎన్టీఆర్ కాంబినేషన్ లో స్టూడెంట్ నెం.1, సింహాద్రి, యమదొంగ సినిమాలు వచ్చాయి. ప్రస్తుతం రాజమౌళి దర్శకత్వంలో ఎన్టీఆర్-రాంచరణ్ మల్టీస్టార్ సినిమా రూపొందుతుంది. ఈ సినిమాలో చరణ్,ఎన్టీఆర్ ఇద్దరూ కూడా డిఫరెంట్ లుక్స్ తో కనిపించనున్నారు. హెయిర్ స్టైల్ .. గెడ్డం .. మీసకట్టు .. వస్త్రధారణ విషయంలో మాత్రమే చరణ్ డిఫరెంట్ గా కనిపిస్తాడు.
రాజమౌళి తన సినిమాకి సంబంధించిన ప్రతి విషయంలోనూ ఎన్నో జాగ్రత్తలు తీసుకుంటూ వుంటారు. గతంలో బాహుబలి సినిమా కోసం ఎన్ని జాగ్రత్తలు తీసుకున్నా..కొన్ని యుద్ద సన్నివేశాలు లీక్ అయిన విషయం తెలిసిందే. అయితే 'బాహుబలి' విషయంలో ముఖ్య పాత్రధారుల లుక్స్ బయటికి రాకుండా ఉండటం కోసం ఆయన లొకేషన్ లోకి సెల్ ఫోన్లు అనుమతించలేదు. ప్రస్తుతం ‘ఆర్ ఆర్ ఆర్’ సినిమా విషయంలో కూడా అదే జాగ్రత్తలు తీసుకుంటున్నారట.
మరోవైపు ఈ సినిమాల ఎన్టీఆర్ మంచి పర్సనాలిటీతో కనిపించబోతున్నారట..అందుకోసం తన బరువు కూడా పెంచుకోబోతున్నారట. 'అరవింద సమేత'లో సిక్స్ ప్యాక్ లో కనిపించిన ఎన్టీఆర్ ను, అందుకు పూర్తి భిన్నమైన లుక్ లో చూపించనున్నారట. మొత్తానికి రాజమౌళి కోసం ఎన్టీఆర్ ఏ త్యాగానికైనా సిద్దపడుతున్నారు.
