బాలీవుడ్ లో కండల వీరుడు సల్మాన్ ఖాన్ ఎన్నో సంచలనాలు సృష్టించిన సినిమా ‘దబంగ్’. బాలీవుడ్ లో అప్పటి వరకు ఎన్నో పోలీస్ పాత్రలతో ఉన్న సినిమాలు వచ్చినా..సల్మాన్ ఖాన్ నటించిన ‘దబంగ్’సినిమాకు ప్రత్యేకమైన పేరు వచ్చింది. ఈ సినిమాలో సల్మాన్ లుక్ పూర్తిగా మార్చారు..మాస్ పోలీస్ ఆఫీసర్ గా చూపించారు. ఈ మూవీ తెలుగు లో పవర్ స్టార్ పవన్ కళ్యాన్ ‘గబ్బర్ సింగ్’ గా రిమేక్ చేశారు. తెలుగులో కూడా ఈ సినిమా బ్లాక్ బస్టర్ విజయం అందుకుంది. అయితే దంబగ్ హిట్ కావడంతో దబంగ్ 2 కూడా తీశారు. ఈ సినిమా కూడా మంచి విజయం అందుకుంది. తెలుగు లో మాత్రం సర్ధార్ గబ్బర్ సింగ్ అట్టర్ ఫ్లాప్ అయ్యింది.
ప్రస్తుతం ప్రభుదేవా దర్శకత్వంలో సల్మాన్ ఖాన్ హీరోగా ‘దబంగ్ 3’తీస్తున్నారు. ఇప్పటికే ఈ సినిమా సెట్స్ పైకి వెళ్లింది. గతంలో సల్మాన్, ప్రభుదేవా కాంబినేషన్ వాంటెడ్ సినిమా తీశారు. ఈ సినిమా కూడా సూపర్ హిట్ అయ్యింది. అయితే మరోసారి ఈ కాంబినేషన్ అనగానే అప్పుడే అంచనాలు పెరిగిపోతున్నాయి. దబాంగ్ సిరీస్ కి గల క్రేజ్ అంతా ఇంతా కాదు. ఆ సిరీస్ లో చిన్న ఛాన్స్ దొరకడం కూడా అంతా ఆషామాషీ విషయమూ కాదు. అలాంటిది 'దబాంగ్ 3'లో చేసే అవకాశాన్ని అలీ దక్కించుకున్నాడు. తెలుగులో బ్రహ్మానందం తరువాత ఆ స్థాయి కమెడియన్ అలీ అనే చెప్పొచ్చు.
వాస్తవానికి అలీ బాలనటుడిగా కెరీర్ ప్రారంభించి అంచెలంచెలుగా ఎదిగి బెస్ట్ కమెడియన్ గా పేరు తెచ్చుకున్నారు. ప్రస్తుతం టెలివిజన్ రంగంలో కూడా రాణిస్తున్నారు. ఈ మద్య వైసీపీ లో జాయిన్ అయ్యారు. సల్మాన్ ఖాన్ కథానాయకుడిగా నటిస్తోన్న ఈ సినిమాలో అలీ కానిస్టేబుల్ పాత్రలో కనిపించనున్నాడు.ఈ సినిమా సెట్ లో సల్మాన్ తో కలిసి తన ఫ్యామిలీతో అలీ ఫొటో దిగాడు. సోనాక్షి సిన్హా కథానాయికగా నటిస్తోన్న ఈ సినిమాలో, సుదీప్ విలన్ గా కనిపించనున్న సంగతి తెలిసిందే.
