టాలీవుడ్ లో పెళ్లిచూపులు, అర్జున్ రెడ్డి, గీతా గోవిందం, టాక్సీవాలా ఇలా నటించిన ప్రతి సినిమా బ్లాక్ బస్టర్ విజయాలు అందుకోవడంతో యంగ్ హీరో విజయ్ దేవరకొండ తక్కువ సమయంలోనే స్టార్ హీరోగా ఎదిగాడు. తాను నటించిన ప్రతి సినిమాలోనూ వేరియేషన్స్ చూపిస్తూ వస్తున్న విజయ్ దేవరకొండ తెలుగు లోనే కాదు తమిళంలో కూడా తన సత్తా చాటుతున్నాడు. త్వరలో విజయ్ దేవరకొండ నటించిన ‘డీయర్ కామ్రెడ్’ సినిమా రిలీజ్ కాబోతుంది.
టాలీవుడ్ లో కొంత కాలంగా నటవారసులు హీరోలుగా వస్తున్న తరుణంలో విజయ్ దేవరకొండ తమ్ముడు ఆనంద్ దేవరకొండ హీరోగా వస్తున్నాడు. యాంగ్రీ యంగ్ మాన్ గా పేరు తెచ్చుకున్న డాక్టర్ రాజశేఖర్‌ కూతురు శివాత్మిక హీరోయిన్‌గా పరిచయం కాబోతోంది. ఈ సినిమాకు సంబంధించిన టీజర్ మొన్న రిలీజ్ అయ్యింది. అయితే ఇందులో శివాత్మిక ఎలాంటి కామెంట్స్ వినపడలేదు కానీ..విజయ్ దేవరకొండ తమ్ముడు పై విపరీతమైన ట్రోలింగ్స్ వచ్చాయి.
అయితే ఈ ట్రైలర్ గురించి విజయ్ దేవరకొండ ఎంతమాత్రం స్పందించలేదు. ఆ తరువాత 'ఏజెంట్ సాయిశ్రీనివాస ఆత్రేయ' సినిమా నుంచి ట్రైలర్ వచ్చింది. ఈ ట్రైలర్ పై విజయ్ దేవరకొండ వెంటనే స్పందించాడు .. షేర్ చేశాడు. దాంతో తమ్ముడిని ఎత్తకుండా..మరో హీరోని సంతోష పెట్టిన విజయ్ దేవరకొండ తెలివికి కొంత మంది ఫ్యాన్స్ మెచ్చుకుంటే..తమ్ముడిని ఎంకరేజ్ చేస్తే నీ సొమ్మెంపోయిందని మరికొంత మంది కామెంట్స్ చేస్తున్నారు.
