టాలీవుడ్ ప్రముఖ నటుడు యంగ్రీ యంగ్ మాన్ గా పేరు తెచ్చుకున్న డాక్టర్ రాజశేఖర్-నటి జీవిత దంపతుల ముద్దుల కూతురు శివాత్మిక ‘దొరసాని’ సినిమాతో హీరోయిన్ గా తొలిపరిచయం అవుతుంది. ఇదే సినిమాతో యూత్ ఐకాన్ విజయ్ దేవరకొండ తమ్ముడు ఆనంద్ దేవరకొండ హీరోగా పరిచయం అవుతున్నారు. ఈ సినిమాకు సంబంధించిన షూటింగ్ పనులు చక చకా సాగిపోతున్నాయి.
ఈ మద్య దొరసాని టీజర్ రిలీజ్ అయ్యింది. టీజర్ బట్టి చూస్తే అప్పట్లో గొప్పింటి అమ్మాయిలు గడీల్లో ఉండేవారని..వారిని ఏ మగాడైనా కన్నెత్తి చూస్తే కఠిన శిక్షలు ఉంటాయని..అలాంటిది హీరోయిన్ ప్రేమలో హీరో పడి కష్టాలు కొని తెచ్చుకుంటాడా..టీజర్ చివర్లో అలాంటి సీన్ కనిపించడంతో రక రకాల సందేహాలు వెల్లవడుతున్నాయి.
తాజాగా ‘దొరసాని’ మూవీ నుంచి నింగిలోని పాలపుంత నవ్వులొంపెనే .. నేలపైన పాలపిట్ట తొవ్వగాసెనే ..' అంటూ సాగిన వీడియో సాంగ్ బాగా ఆకట్టుకుంటుంది. ప్రశాంత్ ఆర్ విహారి సంగీతం .. గోరెటి వెంకన్న సాహిత్యం .. అనురాగ్ కులకర్ణి ఆలాపన యూత్ ను ఆకట్టుకునేలా వున్నాయి. త్వరలోనే ఈ సినిమా విడుదల తేదీని ప్రకటించనున్నారు.
