మెగా మేనల్లుడు సాయి తేజ్ 'చిత్రలహరి' సక్సెస్ తో ప్లాప్ ల పరంపరకి కాస్త విరామం ఇచ్చాడు. దాంతో మారుతి దర్శకత్వంలో రాబోతున్న ఈ హీరో తదుపరి సినిమా పై నెటిజన్లు బాగానే ఆసక్తి చూపిస్తున్నారు. ఈ సినిమాకి టైటిల్ ఏం పెడుతున్నారని కొంతమంది నెటిజన్లు కామెంట్లు పెడుతుంటే.. మరికొంతమంది మాత్రం వారికి నచ్చిన టైటిల్స్ ను చెబుతున్నారు. అయితే నిన్నటి వరకూ ఈ సినిమాకి 'భోగి' అనే టైటిల్ పెడుతున్నట్లు వార్తలు వచ్చాయి.
తాజాగా మరో టైటిల్ తెరమీదికి వచ్చింది. 'ప్రతిరోజూ పండగే' అనే టైటిల్ నే, తమ సినిమాకి టైటిల్ గా దర్శకనిర్మాతలు ఫిక్స్ అయ్యారని తెలుస్తోంది. బోగి కానీ, ఇప్పుడు ఈ 'ప్రతిరోజూ పండగే' టైటిల్ గాని.. వింటుంటే, సినిమా ఎలా ఉండబోతుందో అర్ధమవుతుంది. మొత్తానికి మారుతి సినిమాలు టైటిల్స్ భలే క్యాచీగా ఉంటాయి. గతంలో 'భలే భలే మగాడివోయ్, మహానుభావుడు' లాంటి టైటిల్స్ కూడా జనంలోకి చాల ఈజీగా వెళ్లాయి.
ఇక ఈ సినిమా కూడా మారుతి సినిమాల శైలిలోనే ఓ ఫన్నీ కాన్సెప్ట్ తో డీసెంట్ కామెడీ ఎంటెర్టైనర్ గా రాబోతుందట. సినిమాలో ప్లే బాయ్ పాత్రలో నటిస్తోన్న తేజ్, ఈ సినిమా కోసం బాగా బరువు తగ్గి సన్నబడ్డాడు. గీతా ఆర్ట్స్ 2, యువీ క్రియేషన్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి.
