‘అర్జున్ రెడ్డి’.. విజయ్ దేవరకొండ‌ను సెన్సేషనల్ స్టార్‌ను చేసిన సినిమా. తెలుగు సినీ చరిత్రలో ఒక ప్రత్యేక చిత్రంగా ‘అర్జున్ రెడ్డి’ ఎప్పటికీ మిగిలిపోతుంది. టాలీవుడ్‌లో ఇప్పటి వరకు రాని కాన్సెప్ట్, బోల్డ్ కంటెంట్‌తో వచ్చిన ‘అర్జున్ రెడ్డి’పై కేవలం తెలుగు ప్రేక్షకులే కాదు దేశ వ్యాప్తంగా ఉన్న సినీ ప్రేమికులంతా మనసు పారేసుకున్నారు. అందుకే ఈ సినిమాను హిందీలోనూ రీమేక్ చేశారు. తమిళంలో రీమేక్ చేస్తున్నారు. ఈ తమిళ రీమేక్ ద్వారా స్టార్ హీరో చియాన్ విక్రమ్ తనయుడు ధృవ్‌ తెరంగేట్రం చేస్తున్నారు. 


వాస్తవానికి ఈ సినిమాను ‘వర్మ’ పేరిట తొలుత చిత్రీకరించారు. ప్రముఖ దర్శకుడు బాలా దీనికి దర్శకత్వం వహించారు. అయితే, బాలా చిత్రీకరించిన విధానం బాగాలేదంటూ ఆ సినిమాను చివరి దశలో ఆపేశారు. క్రియేటివ్ ఫ్రీడమ్ లేకపోవడం వల్ల తాను సినిమాను నుంచి తప్పుకున్నట్లు బాలా కూడా ప్రకటించారు. మొత్తానికి ఈ సినిమా టైటిల్‌ను ‘ఆదిత్య వర్మ’గా మార్చి గిరీశాయా అనే దర్శకుడిని రంగంలోకి దించారు. బాలా చిత్రీకరించిన మొత్తాన్ని చెత్తబుట్టలో వేసి మళ్లీ సినిమా షూటింగ్‌ను ఫ్రెష్‌గా మొదలుపెట్టారు. ప్రస్తుతం చిత్రీకరణ కొనసాగుతోంది. 


ఈ నేపథ్యంలో శుక్రవారం ‘ఆదిత్య వర్మ’ ఫస్ట్ లుక్‌ను విడుదల చేశారు. ఇప్పుడు టీజర్‌ను ప్రేక్షకుల ముందుకు తీసుకొచ్చారు. ఈ టీజర్ చూస్తుంటే ‘అర్జున్ రెడ్డి’కి జిరాక్స్ కాపీలా ఉంది. అస్సలు ఏమీ మార్చలేదు. అవే సన్నివేశాలతో టీజర్‌ను కట్ చేశారు. టీజర్ చూస్తుంటే ధృవ్‌ బాగానే కష్టపడినట్లు స్పష్టమవుతోంది. విజయ్ దేవరకొండను మ్యాచ్ చేయడానికి తన శక్తిని మొత్తం వాడినట్టున్నాడు. ధృవ్‌ గొంతు మాత్రం చాలా గంభీరంగానే ఉంది. తెలుగులో వివాదాస్పదమైన బూతు తిట్టు, లిప్ లాక్‌లను తమిళ టీజర్‌లోనూ పొందుపరిచారు. 


మరింత సమాచారం తెలుసుకోండి: