ఉప్పల్ బాలు.. ఇప్పుడు తెలుగు రాష్ట్రాలకు సంబంధించి సోషల్ మీడియాలో ఎక్కువగా వినిపిస్తున్న పేరు ఇది. టిక్ టాక్ వీడియోలతో అమ్మాయి హావభావాలతో రచ్చ చేసే ఉప్పల్ బాలు ఇప్పుడు సెలబ్రిటీగా మారాడు. తన వెరైటీ పెర్ఫామెన్స్‌తో పటాస్, జబర్దస్త్ షోలలో ఛాన్స్ కొట్టేసిన ఉప్పల్ బాలు సినిమాల్లో ఆఫర్స్ కోసం ఎదురుచూస్తున్నారు.
తాజాగా శుక్రవారం నాడు ప్రసారమైన ‘ఎక్స్ ట్రా జబర్దస్త్’లో బుల్లెట్ భాస్కర్ టీంలో స్కిట్ చేసిన ఉప్పల్ బాలు... అమ్మాయిలా నటిస్తూ తనకు మాత్రమే సాధ్యమైన తేడా స్టెప్పులతో జబర్దస్త్ స్టేజ్‌ను షేక్ చేశాడు. ఇక వీటితో పాటు త్వరలో స్టార్ మాలో ప్రసారం కాబోయే ‘బిగ్ బాస్ 3’లో ఛాన్స్ రావాలే కాని టైటిల్ నాదే అంటున్నాడు ఉప్పల్ బాలు.
బిగ్ బాస్ కంటెస్టెంట్స్ లిస్ట్‌లో ఉప్పల్ బాలు పేరు ఎక్కువగా వినిపిస్తుండటంతో ఆయన స్పందిస్తూ.. ‘ఇంత వరకూ తనను ఎవరూ సంప్రదించనేదని.. ఒకవేళ బిగ్ బాస్ ఆఫర్ వస్తే ఇరగదీస్తా. నా పెర్ఫామెన్స్ అందర్నీ ఆకట్టుకుంటా. బిగ్ బాస్‌ని ఎక్కడికో తీసుకుపోతా.
బిగ్ బాస్‌కి వెళ్తే ఖచ్చితంగా నేనే టైటిల్ గెలుస్తా. ఎందుకంటే గెలవాలన్న కసితో ఉన్నా కాబట్టి పక్కా గెలుపు నాదే. బిగ్ బాస్‌ని నేను ఫాలో అవుతున్నా.. అక్కడ ఎలా ఉండాలో గేమ్ ఎలా ఆడాలో నాకు బాగా తెలుసు. ప్రేక్షకులకు నచ్చేటట్టుగా బిగ్ బాస్ హౌస్‌లో ఉండాలి. పిచ్చి పిచ్చిగా ఉండకూడదు అక్కడ. ఒక కుటుంబం లాంటి బిగ్ బాస్‌కి వెళ్లినప్పుడు కుటుంబానికి నచ్చినట్టు ఉండాలి. అంతేతప్ప మనకి నచ్చినట్టు ఉండకూడదు. మన ఇంట్లో మన ఇష్టం చెల్లుతుంది. పది మందితో ఉన్నప్పుడు అందరితో కలిసిపోవాలి.
చాలా మంది నాతో మీరు బిగ్ బాస్‌కి వెళ్తున్నారంట కదా అని అడుగుతున్నారు. ఒక అబ్బాయి అయితే ఆర్మీ 2 ఉప్పల్ బాలు అని కూడా అన్నారు. నాకు చాలా హ్యాపీగా అనిపించింది’ అంటూ తెగ సిగ్గుపడిపోతూ తన మనసులో ఉన్న కోరికను బయటపెట్టాడు ఉప్పల్ బాలు.
