హాలీవుడ్ సినిమా మార్కెట్ పెద్దది. హాలీవుడ్ సినిమాలు ప్రపంచ వ్యాప్తంగా విడుదల అవుతాయి. ప్రాంతీయ భాషల్లోకి అనువదించి మరీ మార్కెట్ చేసుకుంటున్నారు. అయితే ఇప్పుడు ఇంకో అడుగు ముందుకు వేసారు. హాలీవుడ్ సినిమాలోని పాత్రలకు లోకల్ స్టార్ల చేత డబ్బింగ్ చెప్పిస్తున్నారు. దీని వల్ల లోకల్ ఫీలింగ్ కలిగి కలెక్షన్లు కొల్లగొట్టాలని చూస్తున్నారు. ప్రముఖ్ హాలీవుడ్ నిర్మాణ సంస్థ ఇప్పటికే ఇలాంటి ప్రయోగాలు చేసింది.
తాజాగా డిస్నీ సంస్థ నుండి వస్తున్న మరో సినిమాకి లోకల్ స్టార్ల చేత డబ్బింగ్ చెప్పిస్తున్నారు.ద లయన్ కింగ్ సినిమా వరల్డ్ వైడ్ గా భారీ స్థాయిలో రిలీజ్ కు సిద్ధమవుతోంది. మంచి సినిమాకు బాషా అడ్డుకాకూడదని ప్రముఖ భాషల్లో సినిమాను రిలీజ్ చేస్తున్నారు. డిస్ని సంస్థ ఎంతో ప్రతిష్టాత్మకంగా నిర్మించిన ఈ సినిమాలో క్యారెక్టర్స్ కి ప్రముఖ నటీనటుల చేత డబ్బింగ్ చెప్పిస్తున్నారు.
తెలుగులో జగపతి బాబు - అరుంధతి రవి శంకర్ కూడా సినిమాకు వారి గొంతును అందిస్తున్నారు. ఇప్పటికే సినిమాలో టిమోన్ పాత్రకు అలీ - పుంబా పాత్రకు బ్రహ్మానందం డబ్బింగ్ చెప్పేశారు. ఇక ప్రధాన పాత్రలైనా స్కార్ పాత్రకు జగపతి బాబు - ముఫాసాకు రవి శంకర్ డబ్బింగ్ చెబుతున్నట్లు అధికారిక ప్రకటన వెలువడింది.
హిందీలో బాలీవుడ్ కింగ్ షారుక్ ఖాన్ , షారుక్ ఖాన్ కొడుకు ఈ సినిమ కి డబ్బింగ్ చెప్తున్నారు. లయన్ కింగ్ పాత్రకి షారుక్, లయన్ కొడుకు పాత్రకి షారుక్ కొడుకు ఆర్యన్ డ్బ్బింగ్ చెప్తున్నారు. హై విజువల్స్ తో జులై 19న సినిమా ప్రపంచవ్యాప్తంగా రిలీజ్ కాబోతోంది. మరి ఈ సినిమా ఇండియాలో ఏ స్థాయిలో కలెక్షన్స్ ను రాబడుతుందో చూడాలి. "అవెంజర్స్ ఎండ్ గేమ్" చిత్రం ఎన్ని వసూళ్ళు సాధించిందో తెలిసిందే.
