ఈ మద్య హీరోయిన్లు గ్లామర్ తో పాటు ప్రయోగాత్మక పాత్రల్లో నటిస్తూ మెప్పిస్తున్నారు. అందాల భామ అనుష్క ఇప్పటి వరకు తెలుగులో పలు ప్రయోగాత్మక పాత్రల్లో నటించి అభిమానుల మనసు దోచుకున్నారు. బాలీవుడ్ లో సైతం కొంత మంది హీరోయిన్లు గ్లామర్ వదిలి నటనకు ప్రాధాన్యత ఉన్న పాత్రలకే ఎక్కువ ప్రాధాన్యత ఇస్తున్నారు. తాజాగా ఆదా శర్మ కు సంబంధించిన ఓ ఫోటో సోషల్ మీడియాలో హల్ చల్ చేస్తుంది. అదాశర్మ గుర్తు పట్టలేనంత అందవిహీనంగా మారి ఫోటోని సోషల్ మీడియాలో షేర్ చేస్తూ.. ఎవరో గుర్తు పట్టండి అనే కామెంట్ కూడా పెట్టింది.
ఈ ఫోటోలో ఆదా శర్మ ఎత్తు పళ్ళతో పొట్ట వేసుకొని పిజ్జా తింటుంది. ఆదాశర్మ సినిమాలతో కన్నా తాను చేసే పలు యాక్టివిటీస్ని సోషల్ మీడియాలో షేర్ చేస్తూ ఎక్కువగా వార్తలలో నిలుస్తూ ఉంటుంది. 2008 లో వచ్చిన హిందీ హర్రర్ మూవీ “1920” తో హీరోయిన్ గా పరిచయం అయ్యింది. పూరి జగన్నాధ్, నితిన్ కాంబినేషన్ లోవచ్చిన ‘హార్ట్ ఎటాక్’ సినిమాతో తెలుగులోకి ఎంట్రీ ఇచ్చింది. “సన్ ఆఫ్ సత్యమూర్తి”,”క్షణం” వంటి హిట్ చిత్రాలలో నటించిన ఆదా శ రీసెంట్గా రాజశేఖర్ హీరోగా వచ్చిన క్రైమ్ థ్రిల్లర్ “కల్కి” మూవీలో మెయిన్ హీరోయిన్ గా కనిపించారు.
ప్రస్తుతం ఆదా శర్మ “మాన్ టు మాన్” అనే బాలీవుడ్ మూవీలో ట్రాన్స్ జెండర్ రోల్ చేస్తుంది. ఈ మూవీకి అబిర్ సేన్గుప్తా దర్శకత్వం వహిస్తున్నారు. దీనిపై నెటిజన్స్ వెరైటీ కామెంట్స్ పెడుతున్నారు. ఇలాంటి పిజ్జా ముఖం నీకు తప్ప ఎవరికీ లేదు అది ఆదాశర్మనే అని ఓ నెటిజన్ కామెంట్ పెట్టగా, ఫ్యూచర్ లుక్ ఇదే అంటూ మరో నెటిజన్ కామెంట్ రాసాడు.