అనసూయ పేరు బుల్లితెర ప్రేక్షకులకు సుపరిచితం. రామ్ చరణ్ సినిమాలో రంగమ్మత్తగా కూడా మెరిసి అందరికీ ఇంకా బాగా దగ్గరైంది. ఇదిలా ఉంటే అనసూయ సోషల్ మీడియాలో చాలా యాక్టివ్ గా ఉంటుందనే సంగతి తెలిసిందే. తరచుగా ఏదో ఒక అప్డేట్లు ఇస్తూ.. హాటు ఫోటోలను పోస్ట్ చేస్తూ నెటిజన్లతో టచ్ లో ఉంటుంది. తాజాగా మరోసారి అదేపని చేసింది. ప్రస్తుతం అనసూయ అమెరికాలోని న్యూ జెర్సీలో ఉంది. అక్కడ ఒక ఫోటో షూట్ లో పాల్గొంది.
సహజంగా ఫోటో షూట్ అంటే లొకేషన్ ప్రాధాన్యత ఉంటుంది. కానీ ఈ ఫోటోషూట్ ప్రత్యేకత లొకేషన్ కాదు. నేపథ్యంలో ఉన్న డార్క్ కలర్ స్పోర్ట్స్ కారు. దీన్ని బ్యాట్ మొబైల్ కార్ అంటారు. 1989 లో రిలీజ్ అయిన 'బ్యాట్ మాన్' చిత్రంలో ఈ మోడల్ కారును వాడడం జరిగింది. రంగమ్మత్త షేర్ చేసిన ఫోటోలలో కాకుండా కింద ఉండే ఫోటోలో ఆ కారును మీరు క్లియర్ గా చూడవచ్చు.
ఇంత స్పెషాలిటీ ఉంది కాబట్టే రంగమ్మత్త తన ఫోటోలకు బ్యాక్ గ్రౌండ్ గా ఆ కారునే ఎంచుకుంది. ఈ ఫోటోలో ఒక షర్టు డిజైన్లో గౌన్ ధరించి కారుతో పోజులిచ్చింది. తను ధరించిన డ్రెస్సు 'రా సిల్క్ సూట్ డ్రెస్' అని క్యాప్షన్ లో వెల్లడించింది. హాటు లేడీ కదా.. ఈరోజుకు ఇంతటితో సరిపెట్టుకోండి అన్నట్టుగా కాళ్ళ అందాలను మాత్రమే ప్రదర్శించింది. ఈ ఫోటోలకు సూపర్ రెస్పాన్స్ వచ్చింది.
