దక్షిణాది శృంగార తారగా ఓ వెలుగు వెలికి.. స్టార్ హీరోలకు సైతం చెమటల పట్టించిన మలయాళ హాట్ బాంబ్ షకీలాకి తెలుగులోనూ మంచి ఫాలోయింగ్ ఉంది. ఒకప్పుడు ఆమె సినిమా రిలీజ్ అవుతుందంటే.. మమ్ముట్టి, మోహన్‌ లాల్ లాంటి మలయాళ స్టార్ హీరోలు సైతం తమ సినిమాలను వాయిదా వేసుకునేవారంటే ఆమె క్రేజ్ ఏంటో అర్ధం చేసుకోవచ్చు. 


ఎంతో మంది శృంగార ప్రేమికులకు నయనానందం కలిగించిన షకీలా తరువాత కాలంలో కనీసం ఖర్చులకు కూడా డబ్బులు లేని పరిస్థితికి వచ్చేసింది. తాజాగా ఆమె తెలుగులో ‘కొబ్బరిమట్ట’ చిత్రంతో రీ ఎంట్రీ ఇస్తున్నారు. ఈ చిత్రంలో ఆమె టాలీవుడ్ కాంట్రివర్శీ కింగ్, మూవీ క్రిటిక్ మహేష్ కత్తితో జోడీ కట్టడం ఆసక్తిగా మారింది. 


బర్నింగ్ స్టార్ సంపూర్ణేష్ బాబు హీరోగా నటించిన మూడో చిత్రం ‘కొబ్బరి మట్ట’. రూపక్ రొనాల్డ్‌సన్ దర్శకత్వం వహించిన ఈ చిత్రానికి కథ, స్క్రీన్‌ప్లే, డైలాగులు స్టీవెన్ శంకర్ అందించారు. ఈ చిత్రానికి సంబంధించిన ట్రైలర్‌ను విడుదల చేయగా.. ఇందులో 3.27 నిమిషాల భారీ డైలాగ్‌ను సింగిల్ టేక్‌లో చెప్పి ప్రపంచ రికార్డ్ నెలకొల్పారు సంపూర్ణేష్ బాబు. 


స్టార్ హీరోలకు సైతం వరుణుపుట్టేలా.. ప్రపంచ సినీ చరిత్రలోనే ఇప్పటి వరకు ఎవరూ చెప్పనంత పెద్ద డైలాగును సింగిల్ టేక్‌లో చెప్పి సంపూ వరల్డ్ రికార్డ్ నెలకొల్పారు. ఆండ్రాయిడు పేరిట విడుదలైన ఈ కొబ్బరి మట్ట తాజా ట్రైలర్ సోషల్ మీడియాలో వైరల్ అవుతోంది. 


ఇదిలాఉంటే.. కత్తి మహేష్‌‌కి పెయిర్‌గా నటించడంపై స్పందించారు షకీలా.. ‘కొబ్బరిమట్ట’ సినిమాలో కత్తి మహేష్ ఎవరన్నది నాకు తెలియదు. ఇప్పుడు అతను ఎంత కాంట్రవర్శీ కింగ్.. అన్నది విన్నాను. ఇక కొబ్బరి మట్ట సినిమా చేస్తున్నప్పుడు ఇతను సంపూర్ణేష్ బాబు.. సినిమాలో హీరో ఇతనే అని పరిచయం చేశారు. నేను వెంటనే.. వాట్? హీరోనా? అనేశాను’ అంటూ పెదవి విరిచారు షకీలా. 


మరింత సమాచారం తెలుసుకోండి: