మెగా పవర్ స్టార్ రామ్ చరణ్ అత్యంత ప్రతిష్టాత్మకంగా నిర్మిస్తున్న చిత్రం సైరా నర్సింహారెడ్డి. మెగా స్టార్ చిరంజీవి నటించిన ఈ చిత్రం అక్టోబర్ 2న థియేటర్లలోకి రానుంది. ఇప్పటికే తెలుగు రాష్ట్రాల్లో ఈచిత్రం ఓ రేంజ్ లో ప్రీ రిలీజ్ బిజినెస్ చేసింది. కాగా దాదాపు దేశ వ్యాప్తంగా ఈ సినిమా ప్రీ రిలీజ్ బిజినెస్ తుది దశకు చేరుకుంది. ఇక ఇదిలా ఉంటే విడుదలకు రోజులు దగ్గర పడుతున్న ఓవర్సీస్ లో మాత్రం ఈ చిత్రాన్ని విడుదల చేయడానికి ఎవరు ముందుకు రావడం లేదు. దానికి కారణం లేకపోలేదు.
సురేందర్ రెడ్డి డైరెక్షన్ లో స్వాతంత్య్ర సమరయోధుడు ఉయ్యాలవాడ నర్సింహారెడ్డి జీవిత చరిత్ర ఆధారంగా తెరకెక్కుతున్న ఈ చిత్రంలో లేడీ సూపర్ స్టార్ నయనతార కథానాయికగా నటించగా బిగ్ బి అమితాబ్ బచ్చన్, జగపతి బాబు విజయ్ సేతుపతి , రవి కిషన్ ,సుధీప్, తమన్నా ముఖ్య పాత్రల్లో కనిపించనున్నారు. బాలీవుడ్ మ్యూజిక్ డైరెక్ట్ అమిత్ త్రివేది సంగీతం అందిస్తున్న ఈ చిత్రం అక్టోబర్ 2న తెలుగు , హిందీ , కన్నడ , మలయాళ , తమిళ భాషల్లో విడుదలకానుంది.
