మెగాస్టార్ చిరంజీవి నటించిన మచ్ అవైటెడ్ మూవీ సైరా అక్టోబర్ 2న సౌత్ తో పాటు హిందీ లోనూ భారీ స్థాయిలో విడుదలకానుంది. ఇప్పటికే విడుదలైన ఈ చిత్రం యొక్క ప్రచార చిత్రాలు సూపర్ రెస్సాన్స్ ను రాబట్టుకొని చిత్రంపై అంచనాలు పెంచాయి. ఇక తాజాగా విడుదలైన ఈ చిత్రం యొక్క టైటిల్ సాంగ్ వీడియో ఆ అంచనాలను తార స్థాయికి తీసుకెళ్లింది. అద్భుతమైన విజువల్స్ తో కూడిన ఈ వీడియో సాంగ్ లో తమన్నా , నయనతార పెర్ఫార్మన్స్ , లుక్స్ ఆకట్టుకున్నాయి. వీటికి తోడు చిరంజీవి స్క్రీన్ ప్రెజెన్స్ , అమిత్ త్రివేది సంగీతం వీడియో సాంగ్ ను ఎక్కడో నిలబెట్టాయి. సాంగ్ చూస్తుంటే మాత్రం సినిమా ఓరేంజ్ లో వుండనుందని అర్ధమవుతుంది. మరి సినిమా ఏరేంజ్ హిట్ అవుతుందో తెలియాలంటే మరో మూడు రోజులు ఆగాల్సిందే.
తొలి తరం స్వాతంత్య్ర సమరయోధుడు ఉయ్యాలవాడ నర్సింహారెడ్డి జీవిత చరిత్ర ఆధారంగా సురేందర్ రెడ్డి డైరెక్ట్ చేసిన ఈ చిత్రంలో అమితాబ్ బచ్చన్ , విజయ్ సేతుపతి , రవికిషన్ , జగపతి బాబు , సుధీప్ కీలక పాత్రల్లో నటించగా సుమారు 270కోట్ల బడ్జెట్ తో కొణిదెల ప్రొడక్షన్ బ్యానర్ ఫై రామ్ చరణ్ ఈ చిత్రాన్ని నిర్మించాడు. ఇప్పటికే ఈచిత్రానికి అడ్వాన్స్ బుకింగ్స్ కూడా భారీ స్థాయిలో జరుగుతుంది. తెలుగు రాష్ట్రాల్లో అయితే ఈ చిత్రం ఏకంగా 1800 స్క్రీన్ లకు పైగా విడుదలవుతుంది. దాంతో మొదటి రోజు ఈ చిత్రం రికార్డు వసూళ్లను రాబట్టేలా కనిపిస్తుంది. ఇక బెంగుళూరు సహా ఇతర ప్రాంతల్లో ఉదయం 3:05గంటలకే సైరా షోస్ ప్రారంభం కానున్నాయి. కాగా తెలుగు రాష్ట్రాల్లో ఈ ఎక్స్ట్రా షో లకు పర్మిషన్ రావల్సివుంది.
