క్యాస్టింగ్ కౌచ్.. సినిమా ఇండస్ట్రీలో ఉన్న చీకటి బాగోతం ఇది. అవకాశాల పేరుతో అమ్మాయిల్ని వాడుకుని వాళ్ళతో అవసరం తీర్చుకున్నాక వేషం ఇవ్వకుండా ముఖం చాటేయడమే ఈ క్యాస్టింగ్ కౌచ్. ఈ ఇష్యూపై సీనియర్ దర్శక, నిర్మాత ఘాటుగా స్పందించారు.ఆయన మాట్లాడుతూ.. ‘ఈ మధ్య కొన్ని ఇంగ్లీష్ వెబ్ సిరీస్ కొన్ని చూశా. వాటితో పాటు యూట్యూబ్‌లో కూడా మాకు వేషాలు ఇవ్వడం లేదంటూ క్యాస్టింగ్ కౌచ్ బాధల్ని చెప్పుకొస్తున్నారు కొంతమంది అమ్మాయిలు.వాళ్లకు న్యాయం జరగడం లేదన్నది నిజమే. అయితే కొంత మంది మాకు వేషం ఇవ్వడం లేదంటారు. ఇంకొంతమంది ఆఫీస్‌కి రానివ్వడం లేదంటారు.

నా ప్రశ్న ఏంటంటే.. క్యాస్టింగ్ కాల్ లేకుండా అసలు ఆఫీస్‌లకు వాళ్లు ఎందుకు వెళ్తున్నారు? రాత్రి పూట సినిమా ఆఫీస్‌లకు వెళ్లాల్సిన పని ఏంటి? ఇవన్నీ వాళ్లను అడిగితే మాకు అలవాటు అయిపోయింది.అది కరెక్ట్ కాదు కదా.. అసలు వాళ్లు పిలవకుండా ఆఫీస్‌లకు వెళ్లకూడదు. వాళ్లు వేషాలు ఇస్తారనే నమ్మకం లేనప్పుడు వెళ్లకూడదు. తెలిసిన కంపెనీలు అయితే వెళ్లి అడిగినా పర్లేదు కాని.. పగలు వెళ్తే గొడవే లేదు. రాత్రిపూట వెళ్లడం, వేషం ఇవ్వలేదని ఆరోపించడం కామన్‌గా మారింది.

వేషం అడగడానికి మీకు హక్కు ఉంది కాని.. వేషం ఎందుకు ఇవ్వరనడానికి మీకు హక్కు లేదు.క్యాస్టింగ్ కౌచ్ పేరుతో అమ్మాయిలకు వేషాలు ఇస్తానని వాళ్లను ఆఫీస్‌లకు రప్పించుకుని వాడుకోవడం తప్పు. అటువంటి వాళ్లను శిక్షించాల్సిందే.  ఏ పాత్రకు ఎవరు సరిపోతారో వాళ్లకే వేషం ఇస్తారు. అది వాళ్ల ఇష్టం. వాళ్లు ఆఫీస్ పెట్టుకుంది సినిమా తీయడం కోసం తప్ప నీకు వేషం ఇవ్వడానికి కాదు.
ఇటీవల క్యాస్టింగ్ కౌచ్‌పై వెబ్ సిరీస్ చూస్తే..

అందులో ఒక అమ్మాయి అత్యాచారం జరిగింది అంటే దాన్ని చెప్పడమే కష్టం. అలాంటిది ఆమెను ఇంకా టార్చర్ చేయడం ఎంత దారుణం. ముందు మన ఆలోచన ధోరణి మారాలి. చాలా వరకూ మారింది అంటున్నారు కాని.. నాకైతే మారినట్టుగా కనిపించడం లేదు’ అంటూ క్యాస్టింగ్ కౌచ్‌పై సీరియస్‌గా స్పందించారు తమ్మారెడ్డి.


మరింత సమాచారం తెలుసుకోండి: