తమిళ హీరో
కార్తి నటించిన లేటెస్ట్
మూవీ ఖైదీ ఇటీవల విడుదలై ప్రస్తుతం బాక్సాపీస్ వద్ద అదరగొడుతుంది. మొదటి షో నుండే యూనానిమస్ పాజిటివ్ టాక్ తెచ్చుకోవడంతో
కోలీవుడ్ లోనే
టాలీవుడ్ లోను
ఖైదీ సత్తా చాటుతుంది. ఇక ఈ చిత్రంలో
తమిళ నటుడు జార్జ్ మర్యన్ నటన అందరిని ఆకట్టుకుంటుంది. సిన్సియర్ కానిస్టేబుల్ గా నటించిన మర్యన్ ఈసినిమాకు ఓ హైలైట్ గా చెప్పవచ్చు. ఇక ఈ
సినిమా ఆయనకు ప్రశంసలు మాత్రమే కాకుండా ఓ భారీ ఆఫర్ ను తెచ్చిపెట్టింది.
క్రియేటివ్ డైరెక్టర్
శంకర్ - లోకనాయకుడు
కమల్ హాసన్ కాంబినేషన్ లో తెరకెక్కుతున్న చిత్రం ఇండియన్ 2. ఈచిత్రంలో జార్జ్ మర్యన్ ఓ కీలక పాత్రలో నటించనున్నాడని సమాచారం. గత కొన్ని నెలల నుండి ఈ చిత్రం రెగ్యులర్ షూటింగ్ జరుపుకుంటుంది. అందులో భాగంగా ప్రస్తుతం భోపాల్ లో కొన్ని కీలక సన్నివేశాలను తెరకెక్కిస్తున్నారు. సోషల్ మెసేజ్ తో తెరకెక్కుతున్న ఈ చిత్రంలో
కాజల్ కథానాయికగా నటిస్తుండగా
రకుల్ ప్రీత్ సింగ్ ,
ప్రియా భవాని శంకర్ ,
అనిల్ కపూర్ ,సిద్దార్థ్ , వెన్నల కిషోర్, విద్యుత్ జంవాళ్ తదితరులు కీలక పాత్రల్లో కనిపించనున్నారు. భారీ బడ్జెట్ తో లైకా ప్రొడక్షన్స్ నిర్మిస్తున్న ఈ చిత్రానికి యంగ్ మ్యూజిక్ సెన్సేషన్ అనిరుధ్ రవిచంద్రన్ సంగీతంఅందిస్తున్నాడు. కమల్ -శంకర్ కలయికలో ఇది రెండో చిత్రం. ఇంతకుముందు 1996లో వీరి కాంబినేషన్ లో వచ్చిన ఇండియన్ సూపర్ డూపర్ హిట్ అయ్యింది. మరి ఇన్ని సంవత్సరాల తరువాత ఈ చిత్రానికి కి సీక్వెల్ గా వస్తున్న ఈ ఇండియన్ 2 ఎలాంటి ఫలితాన్ని ఇస్తుందో చూడాలి. వచ్చే ఏడాది సమ్మర్ లో ఈ చిత్రం తమిళం తో పాటు తెలుగు ,హిందీ భాషల్లో విడుదలకానుంది.