క్రేజీ హీరో విజయ్ దేవరకొండకు నడుస్తున్న కాలం పెద్దగా కలిసి వస్తున్నట్లుగా కనిపించడం లేదు. ‘డియర్ కామ్రేడ్’ ఫెయిల్ అవ్వడంతో ఆ మూవీ బయ్యర్లు చాల నష్టపోయారు. ఇది చాలదు అన్నట్లుగా విజయ్ నిర్మాతగా మారి తీసిన లేటెస్ట్ మూవీ ‘మీకు మాత్రమే చెప్తా’ మూవీ బయ్యర్ల పరిస్థితి మరింత అయోమయంగా ఉంది అన్నవార్తలు వస్తున్నాయి.
ఈ మూవీని విజయ్ దేవరకొండ సుమారు కోటిన్నర పెట్టుబడితో పూర్తి చేయడంతో ఆ మూవీ షార్ట్ ఫిలింకు ఎక్కువ కమర్షియల్ సినిమాకు తక్కువగా మారింది. అయితే ఈ మూవీని విడుదలకు ముందు అతి తక్కువ రేట్లకు అమ్మడంతో ఈ మూవీని విజయ్ దేవరకొండ అభిమానులు ఒక్కసారి చూసినా విపరీతమైన లాభాలు వస్తాయి అన్న అంచనాలతో ఈ మూవీకి 2.5 కోట్ల బిజినెస్ అయినట్లు టాక్.
ఈ మూవీ డిజిటల్ రైట్స్ మరియు శాటిలైట్ రైట్స్ అమ్మకాల ద్వారా విజయ్ కు మరో మూడు కోట్ల వరకు ఆదాయం వచ్చినట్లు తెలుస్తోంది. అయితే ఈ మూవీకి పోటీగా విడుదలైన ‘ఆవిరి’ ఫెయిల్ అయినా ‘మీకు మాత్రమే చెప్తా’ ను పట్టించుకోకుండా అందరూ డబ్బింగ్ సినిమా ‘ఖైదీ’ వైపు వెళ్ళడంతో ‘మీకు మాత్రమే చెప్తా’ ను కొనుక్కున్న బయ్యర్లకు అన్ని చోట్లా భారీ నష్టాలు వస్తున్నట్లు సమాచారం.
ఈ మూవీ విశాఖజిల్లా రైట్స్ ను ఒక ప్రముఖ బయ్యర్ 40 లక్షలకు తీసుకుంటే కనీసం ఇప్పటి వరకు 10 లక్షలు కూడ నెట్ కలక్షన్స్ రాని పరిస్థితి అని అంటున్నారు. ఓవర్సీస్ లో కూడ ఈ మూవీ బయ్యర్ కు ధియేటర్ల ఖర్చు కూడా రాదు అన్న వార్తలు వస్తున్నాయి. అయితే నిర్మాతగా విజయ్ కు ఈ సినిమా దాదాపు 4 కోట్లకు పైగా లాభాలు తెచ్చి పెట్టింది అని అంటున్నారు. దీనితో ఈ మూవీని కొనుక్కున్న బయ్యర్లు అందరు విజయ్ దేవరకొండ సహాయం కోసం ఎదురు చూస్తుంటే విజయ్ మాత్రం ఎవరికీ స్పందించడం లేదు అన్న వార్తలు ఇండస్ట్రీ వర్గాలలో హడావిడి చేస్తున్నాయి..
