70 మిలియన్స్ వ్యూస్ తెచ్చుకుని ఈ పాటను విడుదల చేసిన ఆదిత్యా మ్యూజిక్ సంస్థకు కోటిన్నర ఆదాయం తెచ్చి పెడుతున్న ‘సామజవరగమన’ మ్యానియాతో ‘అల వైకుంఠపురములో’ సంక్రాంతి రేసులో చాల ముందుగా ఉంది. ఇలాంటి పరిస్థితులలో ఈ పాటకు చెక్ పెట్టె ప్రయత్నంగా ‘సరిలేరు నీక్వేవ్వారు’ మూవీకి సంబంధించి మొట్టమొదటి లిరికల్ వీడియో ఈ నెల 15న విడుదల చేయడానికి రంగం సిద్ధం అయింది.
టోటల్ మెలోడీ సాంగ్ గా దేవిశ్రీ ప్రసాద్ ట్యూన్ చేసిన ఈ పాటకు అద్భుతమైన సాహిత్యం కూడ కూరింది అన్న వార్తలు వినిపిస్తున్నాయి. ఇప్పటికే ఈ పాటను విన్న కొందరు ఇండస్ట్రీ వర్గాలకు చెందిన ప్రముఖులు ఈ పాటతో మహేష్ బన్నీకి గట్టి సమాధానం ఇవ్వబోతున్నాడు అంటూ కామెంట్స్ వస్తున్నాయి.
సంక్రాంతి రాకుండానే డిసెంబర్ 15 నుండి మహేష్ బన్నీల వార్ కు ఈ పాటతో తెర లేవబోతోంది. దీనితో ‘సరిలేరు నీకెవ్వరు’ మూవీ బయ్యర్స్ అంతా ఈ పాట గురించి అంత్యంత ఆసక్తిగా ఎదురు చూస్తున్నారు. ఈ పాట ఏమేరకు యూత్ కు కనెక్ట్ అవుతుంది అన్న రిజల్ట్ బట్టి ‘సరిలేరు నీకెవ్వరు’ ఏ రేంజ్ హిట్ గా మారబోతోంది అన్న అంచనాలకు రావచ్చని విశ్లేషకులు అభిప్రాయపడుతున్నారు.
తెలుస్తున్న సమాచారం మేరకు మహేష్ అనీల్ రావిపూడిలు ఈ వారం విడుదల కాబోతున్న ఈ పాట ట్యూన్ పై పూర్తి సంతృప్తి వ్యక్తపరిచిన తరువాత మాత్రమే ఈ పాటను విడుదల చేస్తున్నట్లు తెలుస్తోంది. అయితే అనూహ్యంగా మహేష్ మూవీ మొదటి పాట విడుదల కాకుండానే ‘సామజవరగమన’ కు సంబంధించి సరదాగా ప్రమోషన్ సాంగ్ మాదిరిగా ఫీమేల్ వెర్షన్ తయారుచేసి విడుదల చేసే ఆలోచనలో త్రివిక్రమ్ ఉన్నాడు అని తెలుస్తోంది. వాస్తవానికి ఈ సినిమాలో మేల్ వాయిస్ తోనే ఈపాట ఉంటుంది. అయితే ఇదే పాట ఫిమేల్ వాయిస్ లో వుంటే ఎలా ఉంటుంది అన్న కొత్త ప్రయోగానికి తెర తీస్తూ ‘సామజవరగమన’ ఏమాత్రం తగ్గి పోకుండా ‘సరిలేరునీకేవ్వారు’ ఎత్తులకు పై ఎత్తులు వేస్తున్నాడు త్రివిక్రమ్..
