సినిమాల్లో సిగరెట్లు తాగడం, మద్యం సేవించడం వంటి వాటిపై డిస్‌క్లెయిమర్స్ వేయాలని సెన్సార్ ఎప్పటినుంచో రూల్ విధించిన సంగతి తెలిసిందే. అయితే ఇప్పుడు ఆ రూల్‌ను మరింత కఠినం చేసింది సెన్సార్. సినిమాల్లో మద్యం సీసాలు, సిగరెట్లు తాగుతున్నట్లు కనిపిస్తే డిస్‌క్లెయిమర్ వేయడమే కాకుండా వాటిని బ్లర్ చేయాలని సూచించింది.
అయితే ఈ రూల్ ఇంకా భారతీయ చిత్ర పరిశ్రమలోకి రాలేదు.. అయితే హాలీవుడ్ సినిమాలు మాత్రం చచ్చినట్లు ఈ రూల్‌ను పాటిస్తున్నాయి. ఇటీవల ఫర్హాన్ ‘ఫోర్డ్ వర్సెస్ ఫెరారి’ సినిమా చూశారు. అందులో మద్యం సేవించే సన్నివేశాల్లో మద్యం సీసాలను, గ్లాసులను బ్లర్ చేశారు. అది చూసి ఫర్హాన్ షాకయ్యారు. ఎందుకంటే హాలీవుడ్ సినిమాల్లో మద్యం తాగడం అనేది పెద్ద విషయం కాదు. విదేశాల్లో చాలా స్వేచ్ఛ ఉంటుంది.
అలాంటిది సినిమాల్లో మద్యం సీసాలను బ్లర్ చేయడం చూసి ఫర్హాన్ కంగుతిన్నాడు. . ‘మున్ముందు థియేటర్లలో సినిమాలు కాదు కేవలం ప్రేక్షకులకు స్క్రిప్ట్స్ చదివి వినిపించాల్సిన రోజు వస్తుంది. ఎందుకు ఇండియన్ అడల్ట్‌ని ఓ క్రైమ్‌లా ఎందుకు చూపిస్తున్నారు. ఓ ఒప్పుని తప్పు అని ఎందుకు చూపిస్తున్నారో నాకైతే అర్థంకావడంలేదు’ అని మండిపడ్డారుఫర్హాన్ అడిగిన దాంట్లో లాజిక్ ఉంది.
సినిమాలు సమాజంపై, యువతపై ప్రభావం చూపుతాయనడంలో ఏమాత్రం సందేహం లేదు. ఒకవేళ చెడు ప్రభావం చూపుతాయి అనుకున్నప్పుడు అలాంటి సినిమాలు తీయాల్సిన అవసరం ఏంటి? సెన్సార్ బోర్డ్ పెడుతున్న చెత్త రూల్స్ వల్ల ప్రేక్షకులు కూడా ఇబ్బందులుపడే రోజు దగ్గర్లోనే ఉంది అని చెప్పడానికి ఇదో ఉదాహరణ. ఇప్పటికే సినిమాల్లో హీరోలు సిగరెట్లు కాల్చకూడదని సెన్సార్ రూల్ పెట్టింది. వారిని చూసి ఫ్యాన్స్ కూడా అనుకరిస్తారని అభ్యంతరం తెలిపింది. దాంతో డైరెక్టర్లు, నిర్మాతలు తల పట్టుకున్నారు.
