ఈ సంవత్సరం తెలుగు నుండి పాన్ ఇండియా సినిమాలుగా వచ్చిన సినిమాలలో సైరా ఒకటి. సాహో వచ్చిన నెలలోపే తెలుగు నుండి వచ్చిన ఈ సినిమా ఎన్నో అంచనాలతో విడుదల అయింది. అయితే సాహో సినిమా పై ఉన్న అంచనాలని ఆ సినిమా అందుకోనందున సైరాకి ఎక్కువ ప్రమోషన్లు చేయలేదు. సైరా సినిమా ప్రమోషన్లని లో ప్రొఫైల్ లో మెయింటైన్ చేశారు. అయితే చివరికి అలా చేయడం వల్లే సినిమాకి దెబ్బ పడింది.
మెగాస్టార్ చిరంజీవి నటించిన సైరా ఈ సినిమా ప్రపంచ వ్యాప్తంగా ఐదు భాషల్లో విడుదల అయింది. రాయలసీమ కు చెందిన మొదటితరం ఉద్యమ వీరుడైన ఉయ్యాలవాడ నరసింహారెడ్డి జీవిత కథ ఆధారంగా వచ్చిన ఈ చిత్రం తెలుగు వారిని విశేషంగా ఆకట్టుకుంది. అయితే ఒక్క తెలుగులో మినహా ఈ సినిమా మిగతా భాషల్లో పెద్దగా విజయం సాధించలేదు. మిగిలిన భాషల్లో ఈ సినిమాకి ఆదరణ అంతంత మాత్రమే లభించింది.
అయితే దీనికి కారణం కూడా లేకపోలేదు. అప్పటికే సాహో సినిమా పెద్ద డిజాస్టర్ గా నిలవడంతో సైరా నిర్మాతలు ఈ సినిమాని అతి జాగ్రత్తగా జనాల్లోకి తీసుకెళ్ళే ప్రయత్నం చేశారు. అందువల్ల సినిమా ప్రమోషన్లలో కొరత ఏర్పడింది. ఆ కొరత సినిమా కలెక్షన్ల మీద కూడా పడింది. మంచి క్వాలిటీతో, పెద్ద స్టార్ నటులతో చిత్రించిన ఈ చిత్రం వేరే భాషల్లో అనుకున్నంత విజయం సాధించలేదు. అయితే ప్రసుతం ఈ సినిమా దుమ్ము రేపుతుందట.
ఇటీవల అమెజాన్ ప్రైమ్ లో విడుదల అయిన ఈ చిత్రం వేరే భాషల వారిని విపరీతంగా ఆకట్టుకుంటుందట. ఈ మూవీ తమిళ, మలయాళ, కన్నడ వర్షన్స్ ని కూడా ప్రేక్షకులు అధికంగా చూస్తున్నారని సమాచారం. దాదాపు ముఫ్పై కోట్లు పెట్టి అమెజాన్ ఈ సినిమా హక్కులని కొనుక్కుంది.
