ప్రతి ఆడ‌పిల్ల కోరుకునేది ఒక్క‌టే అది తన భ‌ర్త నుంచి అయినా బాయ్ఫ్రెండ్ నుంచి అయినాస‌రే. అదేమిటంటే ఏ ఆడ‌పిల్లైనా తన భ‌ర్త లేదా బాయ్ఫ్రెండ్ త‌న‌నే చూడాలి. త‌న‌నే ఇష్ట‌ప‌డాలి. పూర్తిగా త‌న‌కే ద‌క్కాలనుకుంటారు. ఇది చాలా కామ‌న్ విష‌యం. అందుకు హీరోయిన్స్ కూడా మిన‌హాయింపు ఏమీ కాదు. ఇక ఇదిలా ఉంటే... పరాయి స్త్రీపై కన్నేసే వ్యక్తి తనకు బాయ్‌ఫ్రెండ్‌గా కానీ భర్తగా కానీ రాకూడదని అంటున్నారు బాలీవుడ్ నటి అనన్య పాండే. ఆమె కథానాయికగా నటించిన సినిమా ‘పతి పత్ని ఔర్ వో’. ముదస్సర్ అజీజ్ డైరెక్ట్ చేసిన ఈ సినిమాలో కార్తిక్ ఆర్యన్ హీరోగా నటించారు. మరో నటి భూమి పెడ్నేకర్ కార్తిక్ భార్య పాత్రను పోషించారు. ఇందులో అనన్య.. కార్తిక్ రెండో ప్రేయసిగా కన్పించనున్నారు. ఈ సినిమా ప్రమోషన్స్‌లో భాగంగా తనకు ఎలాంటి వ్యక్తి బాయ్‌ఫ్రెండ్‌గా భర్తగా రావాలని అనుకుంటున్నారో వెల్లడించారు.
‘నేను ప్రేమ విషయంలో చాలా నిజాయతీగా ఉంటాను. నా సంతోషం కోసం మరొకరి కాపురాలు కూల్చే టైప్ కాదు నేను. నేను చాలా రొమాంటిక్. నాకు ప్రేమలో పడటం అంటే ఇష్టం. నాకు చాలా రిలేషన్‌షిప్స్ ఉండేవి. అందులో తప్పు లేదు. స్కూల్లో చదువుకునేటప్పుడు చిన్న చిన్న లవ్ స్టోరీస్ అందరికీ ఉంటాయి. అయితే ఈ సినిమాలో కార్తిక్ ఆర్యన్ పెళ్లైనప్పటికీ మరో అమ్మాయితో సంబంధం పెట్టుకున్నాడు. అలాంటి వ్యక్తిని నాకు బాయ్‌ఫ్రెండ్‌గా భర్తగా అస్సలు వద్దు. నేను చాలా నిజాయతీగా ఉంటాను. కాబట్టి నా బాయ్ఫ్రెండ్ నుంచి కూడా అదే నిజాయతీని కోరుకుంటాను’ అని చెప్ప‌క‌నే చెప్పింది ఈ బాలీవుడ్ భామ.
‘సాహో’ సినిమాలో విలన్ పాత్రలో నటించిన ప్రముఖ బాలీవుడ్ నటుడు చుంకీ పాండే కూతురు అనన్య పాండే. ‘స్టూడెంట్ ఆఫ్ ది ఇయర్ 2’ సినిమాతో ఆమె తన బాలీవుడ్ జర్నీ ప్రారంభించారు. కానీ తొలి సినిమానే బాక్సాఫీస్ వద్ద ఫెయిల్ అయింది. ఇప్పుడు ‘పతి పత్ని ఔర్ వో’ సినిమాతో ప్రేక్షకుల ముందుకు రాబోతున్నారు. ఇక ఈ భామ ఇలాంటి పాత్ర‌లు రీల్ లైఫ్‌కి ఓకే రియ‌ల్ లైఫ్‌కి నో అంటున్నారు.
