దిగ్గజ దర్శకుడు ఎస్.ఎస్.రాజమౌళి దర్శకత్వంలో మెగా పవర్ స్టార్ రామ్ చరణ్ మరియు యంగ్ టైగర్ ఎన్టీఆర్ కలసి మొట్టమొదటిసారి నటిస్తున్న సినిమా RRR. బాహుబలి తర్వాత రాజమౌళి దర్శకత్వంలో తెరకెక్కుతున్న ఈ సినిమా పై ఒక తెలుగు ఇండస్ట్రీలో మాత్రమే కాక యావత్ దేశ వ్యాప్తంగా తో పాటు అంతర్జాతీయంగా అందరికీ ఇంట్రెస్ట్ నెలకొని ఉంది. ముఖ్యంగా ఈ సినిమాని దేశవ్యాప్తంగా విడుదల చేయాలని ఐదు భాషల్లో తెరకెక్కించాలని అనుకున్న రాజమౌళి తాజాగా ఈ సినిమాని అంతర్జాతీయ స్థాయిలో విడుదల చేయటానికి సన్నాహాలు చేస్తున్నట్లు ఇండస్ట్రీ నుండి ఇటీవల వార్తలు వచ్చాయి.
ఇటువంటి నేపథ్యంలో ఈ సినిమాలో రెండు డిఫరెంట్ రోల్ పాత్రలు చేస్తున్న ఎన్టీఆర్ మరియు రామ్ చరణ్ నీ గతంలో ఎన్నడూ లేనివిధంగా ఈ మల్టీ స్టారర్ సినిమాలో చూపిస్తున్నట్లు వార్తలు వస్తున్నాయి. ఇదిలా ఉండగా ఈ సినిమాలో ఇద్దరు హీరోల చేత సూపర్ డాన్స్ చేయించటానికి సాంగ్స్ విషయంలో అదిరిపోయే ప్లానింగ్ తో రాజమౌళి ఉన్నట్లు సమాచారం. ఈ నేపథ్యంలో సినిమా థియేటర్ కి వచ్చిన ప్రేక్షకులకు ఫుల్ మీల్స్ యాక్షన్ పరంగా మాత్రమే కాకుండా డాన్స్ పరంగా కూడా ఇవ్వాలని రాజమౌళి ఈ సినిమా మ్యూజిక్ డైరెక్టర్ కీరవాణితో సరికొత్త చర్చలు జరుపుతున్నట్లు మాస్ తరహాలో బాణీలు ఉండాలని ఇప్పటికే రాజమౌళి సూచించినట్లు డ్యాన్స్ విషయంలో ఇద్దరు వొళ్ళు నలిగిపోయేలా పాటల అవుట్ పూట్ రావాలని రాజమౌళి కీరవాణికి తెలిపినట్లు సమాచారం.
దీంతో ఈ సినిమాలో మొత్తం 8 సాంగ్స్ ఉండబోతున్నట్లు ఫిలింనగర్ లో వార్తలు వినబడుతున్నాయి. ప్రస్తుతం ఈ సినిమా షూటింగ్ చాలా శరవేగంగా సాగుతుంది. అనుకున్న టయానికి వచ్చే ఏడాది జులై మాసం చివరి కల్లా సినిమాను విడుదల చేసే విధంగా రాజమౌళి సినిమా షూటింగ్ ముందుండి నడిపిస్తున్నాడు అని ఇండస్ట్రీలో వార్తలు చాలా గట్టిగా వినబడుతున్నాయి.
