రాజమౌళి దర్శకత్వంలో చేస్తున్న సినిమా ఆర్ఆర్ఆర్... షూటింగ్ వేగంగా జరుగుతున్నది. ఈ సినిమా షూటింగ్ దాదాపుగా 70శాతం వరకు పూర్తయింది. మిగతా షూటింగ్ కూడా వీలైనంత త్వరగా పూర్తి చేయబోతున్నారు. టాకీ పార్టీ చాలా వరకు కంప్లీట్ చేయగా ఇప్పటికే ఓ సాంగ్ కూడా పూర్తి చేసినట్టుగా తెలుస్తోంది. స్వాతంత్ర కాలం నాటి కథ కాబట్టి ఇందులో ఆ కాలానికి సంబంధించిన విషయాలు ఎక్కువగా ఉంటాయి.
అల్లూరి సీతారామరాజు కు సంబంధించిన విషయాలు, కొమరం భీం కు సంబంధించిన విషయాలు ఇందులో ఉన్నాయి. స్వాతంత్ర కాలానికి చెందిన సినిమా అయినప్పటికీ ఇది ఫిక్షన్ కావడంతో ఇందులో కల్పితమే ఎక్కువగా ఉంటుంది. ఈ కల్పితం ఎలా ఉంటుంది అన్నది సస్పెన్స్. ఎన్టీఆర్.. రామ్ చరణ్ హీరోలుగా చేస్తున్న సినిమాలో అలియా భట్ హీరోయిన్.
ఎన్టీఆర్ కు జోడిగా ఒలీవియా మోరిస్ నటిస్తోంది. అలియా... రామ్ చరణ్ మధ్య ఇప్పటికే కొన్ని రొమాంటిక్ సీన్స్ ఉన్నాయట. ఓ సాంగ్ కూడా ఉందట. ఈ సాంగ్ ను ఇప్పటికే సినిమా షూటింగ్ చేసినట్టు తెలుస్తోంది. వీరిద్దరి మధ్యనే కాకుండా, ఎన్టీఆర్- ఒలీవియా మధ్య కూడా రొమాంటిక్ సీన్స్ ఉన్నట్టుగా తెలుస్తోంది. ఈ రొమాంటిక్ సీన్స్ ను ఒకటి ఇప్పటికే షూట్ చేశారట.
యాక్షన్ మాత్రమే కాదు రొమాంటిక్ సీన్స్ కూడా ఇందులో పుష్కలంగా ఉన్నాయి. ఇక ఇదిలా ఉంటె, ఈ మూవీ వచ్చే ఏడాది జులై 30 న రిలీజ్ కాబోతున్నది. ఇందులో మొత్తం 8 సాంగ్స్ ఉన్నట్టు సమాచారం. ఒలీవియా కంటే అలియా పాత్ర నిడివి తక్కువ ఉండబోతుంది. అలానే ఇందులో విలన్లుగా హాలీవుడ్ స్టార్స్ నటిస్తున్నారు. జనవరి 1 వ తేదీన ఈ సినిమాకు సంబంధించిన ఫస్ట్ లుక్, టైటిల్ రిలీజ్ కాబోతున్నది.
