టాలీవుడ్ టాప్ హీరోల్లో ఒకరు నందమూరి బాలకృష్ణ. క్రిష్ దర్శకత్వంలో తన వందవ సినిమా ‘గౌతమి పుత్ర శాతకర్ణి’ పూర్తి చేశారు. ఈ సినిమా మంచి సక్సెస్ సాధించడంతో మరోసారి క్రిష్ దర్శకత్వంలో తన తండ్రి సీనియర్ ఎన్టీఆర్ జీవిత కథ ఆధారంగా ‘ఎన్టీఆర్ బయోపిక్’ లో నటించారు. ఈ మూవీ రెండు భాగాలు గా తెరకెక్కించారు. ఎన్టీఆర్ కథానాయకుడు, ఎన్టీఆర్ మహానాయకుడు.. కానీ రెండు మూవీస్ బాక్సాఫీస్ వద్ద బొక్కబోర్లా పడ్డాయి. ఆ తర్వాత ఏపిలో ఎన్నికలు రావడం.. హిందూపురం నుంచి బాలయ్య ఎమ్మెల్యేగా గెలవడం జరిగింది. ప్రస్తుతం కే.యస్.రవికుమార్ దర్శకత్వంలో నందమూరి బాలకృష్ణ ‘రూలర్’ మూవీలో నటిస్తున్నాడు. ఈ సినిమా కోసం బాలయ్య పూర్తిగా మేకోవర్ అయి సరికొత్తగా మారిపోయాడు.
ఈ సినిమాలో కథ ప్రకారం బాలకృష్ణ పోలీస్ ఆఫీసర్. గతంలో పోలీస్ ఆఫీసర్ గా నటించి సినిమాలు మంచి సక్సెస్ సాధించిన విషయం తెలిసిందే. ట్విస్ట్ ఏంటేంటే ఈ మూవీలో గొప్ప పోలీస్ ఆఫీసర్ తర్వాత గ్యాంగ్ స్టర్ గా ఎలా మారాడు అనే ఇతివృత్తంతో ఈ మూవీ తెరకెక్కిస్తున్నట్టు సమాచారం. కాగా, ఇప్పటికే విడుదల చేసిన బాలయ్య లుక్స్, టీజర్ కి సోషల్ మీడియాలో మంచి రెస్పాన్స్ వచ్చింది. టీజర్ లో పూర్తిగా యంగ్ గా మరిపోయిన బాలయ్య లుక్‌ను చూసి అభిమానులు పండగ చేసుకుంటున్నారు.
ఈ సినిమాను డిసెంబర్ 20న క్రిస్మస్ కానుకగా విడుదల చేయనున్నారు. ఈ మూవీలో బాలకృష్ణ సరసన సోనాల్ చౌహాన్, వేదిక హీరోయిన్స్‌గా నటిస్తున్నారు. భూమిక ముఖ్యపాత్రలో నటిస్తున్నారు. మరి ఈ సినిమాతో బాలయ్య బాక్సాఫీస్ దగ్గర మరోసారి తన సత్తా చూపెడతాడా లేదా అనేది చూడాలి. గతంలో కే.యస్.రవికుమార్ దర్శకత్వంలో బాలకృష్ణ ‘జై సింహ’ మూవీలో నటించాడు. ఈ మూవీ లో కూడా బాలయ్యను చాలా డిఫరెంట్ గా చూపించినా పెద్దగా సక్సెస్ అందుకోలేకపోయింది. మరి ఈసారి బాలయ్య న్యూ లుక్కు ‘రూలర్’ కి ఎంత వరకు కలిసి వస్తుందో చూడాలి.
